കോഴിക്കോട്:കോഴിക്കോട് ആപ്പിൾ സ്മാർട്ട് ഐഫോൺ 6 എക്സ് പൊട്ടിത്തെറിച്ച് യുവാവിന് പരിക്ക്.നന്മണ്ട കുറൂളിപ്പറമ്പത്ത് ഇസ്മയിലിന്റെ മകൻ പി.കെ ജാഷിദിനാണ് പരിക്കേറ്റത്. ജീൻസിന്റെ പോക്കറ്റിൽ സൂക്ഷിച്ചിരുന്ന സ്മാർട്ട് ഫോണാണ് പൊട്ടിത്തെറിച്ചത്.ഇന്നലെ രാവിലെ കാറിലേക്ക് കയറാൻ ശ്രമിക്കുന്നതിനിടെ ജീൻസിന്റെ പോക്കറ്റിൽ കിടന്ന ഫോൺ പൊട്ടിത്തെറിക്കുകയായിരുന്നു.കഴിഞ്ഞ ദിവസം വാങ്ങിയ ഫോണാണ് പൊട്ടിത്തെറിച്ചത്. സ്ഫോടനത്തിൽ ഫോൺ പൂർണ്ണമായും കത്തി നശിച്ചു.ജീൻസിന്റെ പോക്കറ്റും കത്തി.അപകടത്തിൽ പരിക്കേറ്റ ജാഷിദ് കോഴിക്കോട് കോഴിക്കോട് സ്വകാര്യ ആശുപത്രിയിൽ ചികിത്സ തേടി.സംഭവത്തിൽ പൊലീസിന് പരാതി നൽകിയിട്ടുണ്ട്.ആപ്പിൾ കമ്പനിക്കും പരാതി നൽകുമെന്ന് ജാഷിദ് പറഞ്ഞു.