കോട്ടയം:കോട്ടയം ഭാരത് ആശുപത്രിയിൽ സമരം ചെയ്ത 60 നഴ്സുമാരെ പിരിച്ചുവിട്ടു.കഴിഞ്ഞ അമ്പതു ദിവസമായി ഇവർ സമരം ചെയ്യുകയായിരുന്നു.കരാർ അവസാനിച്ചു എന്ന കത്ത് നൽകിയാണ് വർഷങ്ങളായി ആശുപത്രിയിൽ ജോലി ചെയ്തിരുന്നവരെപോലും പിരിച്ചു വിട്ടത്.കരാറടിസ്ഥാനത്തിൽ നിയമിക്കപ്പെട്ടിട്ടുള്ള നഴ്സുമാരുടെ കാലാവധി കഴിഞ്ഞതിനാലാണ് പിരിച്ചു വിട്ടതെന്നാണ് ആശുപത്രി മാനേജ്മെന്റിന്റെ വിശദീകരണം.എന്നാൽ മാനേജ്മെന്റിന്റെ നടപടി അന്യായമാണെന്നും അത്തരത്തിലൊരു കരാർ നിലവിലുണ്ടോ എന്ന് അറിയില്ലെന്നും സമരക്കാർ പറയുന്നു.ഒരു വർഷം മുതൽ അഞ്ചു വർഷം വരെ സർവീസുള്ളവരെയാണ് മാനേജ്‌മന്റ് പിരിച്ചുവിട്ടിരിക്കുന്നത്.