കൊച്ചി:കൊച്ചിയിലെ ഓൺലൈൻ ടാക്സി ജീവനക്കാർ ഇന്ന് പണിമുടക്കുന്നു.ഞായറാഴ്ച അർധരാത്രി മുതലാണ് ഇവർ പണിമുടക്ക് ആരംഭിച്ചത്.ടാക്സി ഡ്രൈവർമാർക്കെതിരെയുള്ള അക്രമത്തിൽ പ്രതിഷേധിച്ചാണ് പണിമുടക്ക്.കഴിഞ്ഞ ദിവസം കൊച്ചിയിൽ വെച്ച് ഓൺലൈൻ ടാക്സി ജീവനക്കാരനായ ഷെഫീക്കിനെ മൂന്ന് യുവതികൾ ക്രൂരമായി മർദിച്ചിരുന്നു.പരിക്കേറ്റ ഷെഫീക്കിനെ ആശുപത്രിയിൽ പ്രവേശിപ്പിച്ചു.എന്നാൽ ആക്രമിച്ച യുവതികൾക്കെതിരെ പോലീസ് നിസാര വകുപ്പുകൾ ചുമത്തി വിട്ടയക്കുകയാണുണ്ടായത്.ഇവർക്കെതിരെ ശക്തമായ നടപടികൾ സ്വീകരിക്കാത്തതിൽ പ്രതിഷേധിച്ചാണ് പണിമുടക്ക് സംഘടിപ്പിച്ചിട്ടുള്ളത്. കൊച്ചി നഗരത്തിലെ ഓൺലൈൻ ടാക്സി ജീവനക്കാരാണ് പണിമുടക്കുന്നത്.നഗരത്തിനു പുറത്തുള്ള ഡ്രൈവർമാർ പണിമുടക്കിൽ പങ്കെടുക്കില്ല എന്നാണറിയുന്നത്.