തൃക്കരിപ്പൂർ:നിർമാണ പ്രവർത്തങ്ങൾക്കിടെ കെട്ടിടത്തിന്റെ മുകളിൽ നിന്നും വീണ് യുവാവ് മരിച്ചു.കൂത്തുപറമ്പ് മൂരിയാട്‌പാറയിലെ എ.പി ശരത്(24) ആണ് മരിച്ചത്.ഇന്നലെ വൈകിട്ട് ആണ് അപകടം നടന്നത്.അലുമിനിയം ഫാബ്രിക്കേഷൻ തൊഴിലാളിയാണ് മരിച്ച ശരത്ത്. ആയിറ്റയിലെ പീസ് ഇന്റർനാഷണൽ സ്കൂളിനായി പുതുതായി നിർമിക്കുന്ന കെട്ടിടത്തിന്റെ നാലാം നിലയിൽ വെൽഡിങ് ജോലിക്കിടെ കാൽതെറ്റി വീഴുകയായിരുന്നു.ഉടൻ മറ്റു തൊഴിലാളികൾ തൃക്കരിപ്പൂരിലെ ആശുപത്രിയിൽ എത്തിച്ചു.പരിക്ക് ഗുരുതരമായതിനാൽ പരിയാരം മെഡിക്കൽ കോളേജിലേക്ക് കൊണ്ടുപോകുന്നതിനിടെ മരണം സംഭവിക്കുകയായിരുന്നു.കഴിഞ്ഞ തിങ്കളാഴ്ചയാണ് ഇയാൾ ജോലിക്കായി വീട്ടിൽ നിന്നും പുറപ്പെട്ടത്.ആയിറ്റയിൽ താമസിച്ചു ജോലി ചെയ്തു വരികയായിരുന്നു.പോസ്റ്റ്മോർട്ടത്തിന് ശേഷം മൃതദേഹം ഇന്ന് പന്ത്രണ്ടുമണിയോടെ സ്വദേശത്തു സംസ്കരിക്കും.