കൊച്ചി:കേരളത്തിലെ കുട്ടികളെ ബാഡ്മിന്റണ്‍ പരിശീലിപ്പിക്കാന്‍ രാജ്യാന്തര പരിശീലകന്‍ പുല്ലേല ഗോപീചന്ദിന്റെ നേതൃത്വത്തിൽ കേരളത്തിൽ ബാഡ്മിന്റൺ അക്കാദമി തുടങ്ങും.കൊച്ചിയില്‍ ജനുവരി ഒന്നിന് ഓപ്പറേഷൻ ഒളിമ്പ്യാ അക്കാദമി പ്രവർത്തനം തുടങ്ങും.ഇതിലേക്ക് 200 കുട്ടികളിൽ നിന്നും 20 പേരെ ഗോപിചന്ദ് നേരിട്ടാണ് തിരഞ്ഞെടുത്തത്. രണ്ട് മാസത്തില്‍ ഒരിക്കല്‍ ഗോപീചന്ദ് നേരിട്ട് പരിശീലനം നല്‍കും. മികച്ച പരിശീലകരും കുട്ടികള്‍ക്ക് പരീശീലനം നല്‍കാനുണ്ടാകും.കേരള സര്‍ക്കാരിന്റെയും സ്പോര്‍ട്സ് കൌണ്‍സിലിന്റെയും ആഭിമുഖ്യത്തില്‍ കേരളത്തിനൊരു ഒളിമ്പിക് മെഡല്‍ എന്ന സ്വപ്നവുമായാണ് ഗോപീചന്ദ് ബാഡ്മിന്റണ്‍ അക്കാദമി ആരംഭിക്കുന്നത്.