കൊച്ചി:തമിഴ്നാട് സ്വദേശി മുരുകൻ ചികിത്സ കിട്ടാതെ മരിച്ച സംഭവവുമായി ബന്ധപ്പെട്ട് മെഡിക്കൽ കോളേജിലെ രണ്ടു ഡോക്റ്റർമാരുടെ അറസ്റ്റ് ഹൈക്കോടതി ഒരാഴ്ചത്തേക്ക് തടഞ്ഞു.ഡോക്റ്റർമാർ സമർപ്പിച്ച മുൻ‌കൂർ ജാമ്യാപേക്ഷയിലാണ് കോടതി നിർദേശം. മുരുകന്റെ ചികിത്സയുമായി ബന്ധപ്പെട്ട് പിഴവ് ഉണ്ടായിട്ടില്ലെന്നും മുരുകനെ ആശുപത്രിയിൽ കൊണ്ടുവന്ന സമയം ഒഴിവുള്ള വെന്റിലേറ്റർ ഇല്ലായിരുന്നുവെന്നും ഡോക്റ്റർമാർ കോടതിയെ അറിയിച്ചു.ഡോക്റ്റർമാർക്കെതിരെ മനഃപൂർവമല്ലാത്ത നരഹത്യാകുറ്റം എങ്ങനെ നിലനിൽക്കുമെന്നും കോടതി ചോദിച്ചു.