കൊച്ചി: യുവനടി ആക്രമിക്കപ്പെട്ട കേസുമായി ബന്ധപ്പെട്ട് നടനും സംവിധായകനുമായ നാദിർഷയെ ചോദ്യം ചെയ്യുന്നത് വൈകുന്നു. നാദിർഷയ്ക്ക് രക്തസമ്മർദം വർധിച്ചതിനെ തുടർന്നാണ് ചോദ്യം ചെയ്യൽ വൈകുന്നത്. നാദിർഷയ്ക്ക് ദേഹാസ്വാസ്ഥ്യം അനുഭവപ്പെട്ടതിനെ തുടർന്നു ഡോക്ടർമാർ ആലുവ പോലീസ് ക്ലബിലെത്തി പരിശോധനകൾ നടത്തിവരികയാണ്. നാദിർഷായുടെ മുൻ‌കൂർ ജാമ്യാപേക്ഷ പരിഗണിച്ചപ്പോഴാണ് ഇന്ന് അന്വേഷണസംഘത്തിന്റെ മുൻപാകെ ഹാജരാകാൻ കോടതി നിർദേശിച്ചത്.ദിലീപിനൊപ്പം ചോദ്യം ചെയ്തപ്പോൾ നാദിർഷ പറഞ്ഞ പല കാര്യങ്ങളും കളവും പരസ്പര വിരുദ്ധവുമാണെന്നാണ് പോലീസ് പറയുന്നത്.മുൻ‌കൂർ ജാമ്യാപേക്ഷ ഈ മാസം പതിനെട്ടിന് ഹൈക്കോടതി വീണ്ടും പരിഗണിക്കുന്നതിനാൽ അതുവരെ അറസ്റ്റ് ഉണ്ടാകില്ല.