കൊച്ചി:നടിയെ ആക്രമിച്ച കേസിൽ ദിലീപ് അങ്കമാലി മജിസ്ട്രേറ്റ് കോടതിയിൽ ജാമ്യാപേക്ഷ സമർപ്പിച്ചു.റിമാൻഡിലായി 60 ദിവസം കഴിഞ്ഞതിനാൽ സ്വാഭാവിക ജാമ്യത്തിന് അർഹതയുണ്ടെണ് ചൂണ്ടി കാട്ടിയാണ് ജാമ്യപേക്ഷ.ഹരജിയില്‍ ഈ മാസം 16 ന് വാദം കേള്‍ക്കും.ദിലീപ് ഹൈക്കോടതിയിൽ തന്നെ ജാമ്യാപേക്ഷ സമർപ്പിക്കുമെന്നായിരുന്നു റിപ്പോർട്ടുകളെങ്കിലും അങ്കമാലി മജിസ്ട്രേറ്റ് കോടതിയിലാണ് താരം ഇത്തവണ ജാമ്യാപേക്ഷ സമർപ്പിച്ചിരിക്കുന്നത്.രണ്ടാം തവണയാണ് ദിലീപ് ജാമ്യാപേക്ഷയുമായി അങ്കമാലി മജിസ്ട്രേറ്റ് കോടതിയെ സമീപിച്ചിരിക്കുന്നത്.അറുപതു ദിവസത്തോളമായി താൻ അന്വേഷണവുമായി സഹകരിക്കുന്നുണ്ട്.നടിയുടെ നഗ്ന ചിത്രം പകർത്തണമെന്നാവശ്യപ്പെട്ടത് മാത്രമാണ് തനിക്കെതിരെയുള്ള കുറ്റം.ആദ്യഘട്ടത്തിൽ പറഞ്ഞ ആരോപണങ്ങൾക്ക് അപ്പുറം ഒന്നും പോലീസ് കണ്ടെത്തിയിട്ടില്ലെന്നും ഹർജിയിൽ പറയുന്നു.ഇപ്പോൾ നടക്കുന്ന അന്വേഷണവുമായി സഹകരിക്കാൻ താൻ തയ്യാറാണെന്നും ദിലീപ് ജാമ്യ ഹർജിയിൽ അങ്കമാലി കോടതിയെ അറിയിച്ചു.