കൊച്ചി:പ്രശസ്ത സംഗീത സംവിധായകൻ ബിജിപാലിന്റെ ഭാര്യ ശാന്തി മോഹൻദാസ്(36) നിര്യാതയായി.ഇന്ന് വൈകുന്നേരം നാലരയോടെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.മസ്തിഷ്ക്കാഘാതമാണ് മരണ കാരണം.കഴിഞ്ഞ ദിവസം വീട്ടിൽ കുഴഞ്ഞു വീണ ശാന്തിയെ ആശുപത്രിയിൽ എത്തിച്ചു.തിങ്കളാഴ്ച്ച വൈകിട്ടോടെ ആരോഗ്യസ്ഥിതി മോശമാവുകയും ചൊവ്വാഴ്ച വൈകുന്നേരത്തോടെ മരണം സംഭവിക്കുകയായിരുന്നു.നർത്തകിയായ ശാന്തി ഭരതനാട്യം,മോഹിനിയാട്ടം,കുച്ചിപ്പുടി എന്നിവയിൽ പ്രാവീണ്യം തെളിയിച്ചിട്ടുണ്ട്.ദിയ,ദേവദത്ത് എന്നിവർ മക്കളാണ്.