തിരുവനന്തപുരം:തിരുവനന്തപുരം കൊച്ചുവേളിയിൽ ഓടിക്കൊണ്ടിരുന്ന ട്രെയിനിൽ നിന്നും എൻജിൻ വേർപെട്ടു.ചെന്നൈ മെയിലിന്റെ എൻജിനാണ് വേർപെട്ടത്‌.തിരുവനന്തപുരത്തു നിന്നും പുറപ്പെട്ട ട്രെയിൻ കൊച്ചുവേളി റെയിൽവേ സ്റ്റേഷൻ കഴിഞ്ഞപ്പോഴാണ് സംഭവം.യാത്രക്കാരെല്ലാം സുരക്ഷിതരാണെന്ന് റെയിൽവേ അധികൃതർ അറിയിച്ചു.നിറയെ യാത്രക്കാരുണ്ടായിരുന്ന ട്രെയിനിന്റെ വേഗത കുറവായതിനാലാണ് വൻ ദുരന്തം ഒഴിവായത്. തകരാർ പരിഹരിച്ചതിനു ശേഷം ട്രെയിൻ വീണ്ടും യാത്ര പുറപ്പെട്ടു.സംഭവത്തെ കുറിച്ച് അന്വേഷണം നടത്തുമെന്ന് റെയിൽവേ അധികൃതർ അറിയിച്ചു.