തലശ്ശേരി:ചാലിൽ സിപിഎം –ബിജെപി സംഘർഷത്തിൽ യുവാവിനു മർദനമേറ്റു. സിപിഎം അനുഭാവിയുടെ കാർ തകർത്തു. കഴിഞ്ഞ ദിവസം രാത്രി 8.30നു കുഞ്ഞിക്കടപ്പുറത്ത് ചാലിൽ മിയാൻ വീട്ടിൽ ബൈജു(40)വിനെ ഒരു സംഘം മർദിച്ചു.ഇതിനു ശേഷം മറ്റൊരു സംഘം എത്തി സിപിഎം അനുഭാവിയായ സുതീർഥ്യന്റെ കാർ അടിച്ചുതകർത്തു.വിവരം അറിഞ്ഞ് എസ്ഐ എം.അനിലിന്റെ നേതൃത്വത്തിൽ പൊലീസ് സ്ഥലത്തെത്തി. ബൈജുവിനെ മർദിച്ചുവെന്നതിനു സിപിഎം പ്രവർത്തകരായ പ്രത്യു, സുമേഷ് തുടങ്ങി 10 പേർക്കെതിരെ കേസ് എടുത്തു. കാർ ബിജെപി സംഘം തകർത്തുവെന്നാണ് ആരോപണം. സംഭവത്തിൽ പരാതി കിട്ടിയാൽ കേസെടുക്കുമെന്നു പൊലീസ് പറഞ്ഞു.