ന്യൂഡൽഹി:സുപ്രീം കോടതിയിലെ മുതിർന്ന ജഡ്ജിയായ ജസ്റ്റിസ് ദീപക് മിശ്രയെ 45 ആമത് ചീഫ് ജസ്റ്റിസായി നിയമിക്കാൻ കേന്ദ്ര സർക്കാർ തീരുമാനിച്ചു.നിലവിലെ ചീഫ് ജസ്റ്റിസ് ജെ.എസ്.കേഹാർ ഓഗസ്റ്റ് 27 ന് സ്ഥാനമൊഴിയുന്നതോടെ അദ്ദേഹം ചുമതലയേൽക്കും.1953 ഇൽ ജനിച്ച മിശ്ര 1977 ഇൽ ഒഡിഷ ഹൈക്കോടതി അഡിഷണൽ ജഡ്ജിയായി.1997 ലാണ് സ്ഥിരം ജഡ്ജിയായത്.2009 ഇൽ പട്ന ഹൈക്കോടതിയുടെയും തുടർന്ന് ഡൽഹി ഹൈക്കോടതിയുടെയും ചീഫ് ജസ്റ്റിസായ അദ്ദേഹം 2011 ഒക്ടോബറിലാണ് സുപ്രീം കോടതി ജഡ്ജിയായത്.