ന്യൂഡൽഹി:500,2000 രൂപയുടെ നോട്ടുകൾ അച്ചടിച്ചതിൽ അഴിമതിയെന്ന് കോൺഗ്രസ്.രാജ്യസഭയിലാണ് കോൺഗ്രസ് ഇക്കാര്യം ഉന്നയിച്ചത്.ശൂന്യ വേളയിൽ കോൺഗ്രസ് അംഗവും മുൻ കേന്ദ്രമന്ത്രിയുമായ കപിൽ സിബലാണ് വിഷയം സഭയിൽ ഉയർത്തിയത്.പ്രതിപക്ഷത്തിന്റെ ആരോപണത്തിന് പിന്തുണയുമായി തൃണമൂൽ കോൺഗ്രസ്സും ജെഡിയു അംഗങ്ങളും രംഗത്തെത്തി.എന്നാൽ മുൻ‌കൂർ നോട്ടീസ് നൽകാതെ നിസാരമായ പ്രശ്നങ്ങൾ ഉയർത്തി ശൂന്യവേള തടസപ്പെടുത്താണ് പ്രതിപക്ഷം ശ്രമിക്കുന്നതെന്ന് ബിജെപി യുടെ രാജ്യസഭയിലെ നേതാവും മന്ത്രിയുമായ അരുൺ ജെയ്റ്റ്‌ലി പറഞ്ഞു.