കൊച്ചി:നടി ആക്രമിക്കപ്പെട്ട കേസിൽ വൈകാതെ കുറ്റപത്രം സമർപ്പിച്ചേക്കുമെന്നു സൂചന.കേസിന്റെ അന്വേഷണം അവസാന ഘട്ടത്തിലേക്ക് എത്തിയതായി അന്വേഷണ സംഘം സൂചന നൽകുന്നു.ഈ മാസം അവസാനമോ അടുത്ത മാസം ആദ്യമോ കുറ്റപത്രം കോടതിയിൽ സമർപ്പിച്ചേക്കും.ദിലീപിനെതിരായ ഗൂഢാലോചന കേസിൽ തെളിവ് ശേഖരണം ഏകദേശം പൂർത്തിയായ സാഹചര്യത്തിലാണ് അന്വേഷണ സംഘം കുറ്റപത്രം തയ്യാറാക്കുന്നത്.രണ്ടു കുറ്റപത്രങ്ങളിൽ ഒരുമിച്ചു വിചാരണ നടത്താനാണ് പോലീസിന്റെ നീക്കം.ദിലീപ് അടുത്ത ദിവസം ജാമ്യാപേക്ഷ സമർപ്പിക്കാനിരിക്കുന്ന സാഹചര്യത്തിലാണ് കുറ്റപത്രം സമർപ്പിക്കുന്നത് വേഗത്തിലാക്കാൻ അന്വേഷണ സംഘം തീരുമാനിച്ചത്.കേസിൽ രണ്ടുപേരെ കൂടി അറസ്റ്റ് ചെയ്‌തേക്കുമെന്ന് അന്വേഷണ സംഘം സൂചന നൽകുന്നുണ്ട്.