തിരുവനന്തപുരം:ശ്രീകാര്യത്ത് ആർ.എസ്.എസ് പ്രവർത്തകൻ വെട്ടേറ്റു മരിച്ച സംഭവത്തിൽ ഒരാൾ കസ്റ്റഡിയിലായി.അക്രമി സംഘത്തിലുള്ള മണിക്കുട്ടൻ എന്നയാളാണ് പിടിയിലായതെന്ന് പോലീസ് പറഞ്ഞു.കള്ളിക്കാടിനു സമീപം പുലിപ്പാറയിൽ നിന്ന് അക്രമിസംഘം സഞ്ചരിച്ച വാഹനം കണ്ടെത്തി.ആർ.എസ്.എസ് കാര്യവാഹക് കല്ലമ്പള്ളി വിനായക നഗറിൽ കുന്നിൽ വീട്ടിൽ സുദര്ശന്റെ മകൻ രാജേഷ് ആണ് മരിച്ചത്.ഇന്നലെ രാത്രി ഒൻപതു മണിയോടെ കടയിൽ നിന്നും സാധനങ്ങൾ വാങ്ങി മടങ്ങുബോൾ ബൈക്കുകളിലും ഓട്ടോറിക്ഷയിലുമായി എത്തിയ അക്രമിസംഘം രാജേഷിനെ വെട്ടുകയായിരുന്നു. ആശുപത്രിയിലെത്തിച്ചെങ്കിലും ജീവൻ രക്ഷപ്പെടുത്താൻ കഴിഞ്ഞില്ല.