തിരുവനന്തപുരം:സർവീസിലിരിക്കെ മരിച്ച സർക്കാർ ജീവനക്കാരുടെ അഞ്ചു ലക്ഷം രൂപ വരെയുള്ള വായ്‌പകൾ എഴുതി തള്ളാൻ തീരുമാനം.നേരത്തെ രണ്ടു ലക്ഷം രൂപ വരെയായിരുന്നു ഇത്.ഓണം അഡ്വാൻസ്,ഭവന-വാഹന വായ്‌പ്പ,ക്ലാസ് ഫോർ ജീവനക്കാരുടെ പെണ്മക്കളുടെ വിവാഹ വായ്‌പ്പ,പലിശ രഹിത ചികിത്സ വായ്‌പ്പ എന്നിവയാണ് എഴുതി തള്ളുന്നത്.ഒന്നിലധികം വായ്പ്പയുള്ളവരുടെ ഏറ്റവും പഴക്കം ചെന്ന വായ്പ്പയാകും എഴുതി തള്ളുന്നത്.ഇതിനായി അപേക്ഷ നൽകുമ്പോൾ അതിന്റെ കൂടെ വായ്‌പ്പ എടുത്ത ആവശ്യത്തിന് തന്നെ ആ തുക പൂർണ്ണമായും ചെലവഴിച്ചെന്നു നോട്ടറി സാക്ഷ്യപ്പെടുത്തിയ രേഖ നൽകിയിരിക്കണം.1997 മെയ് 17 നു ശേഷമുള്ള വായ്പ്പകൾക്കാണ് മേൽപ്പറഞ്ഞ ഇളവുകൾ ലഭിക്കുന്നത്.