കണ്ണൂർ:യൂത്ത് ലീഗ് മുൻ ജില്ലാ പ്രസിഡന്റ് മൂസാൻകുട്ടി നടുവിലും അൻപതിലേറെ പ്രവർത്തകരും സിപിഎമ്മിൽ ചേർന്നു.സിപിഎം കണ്ണൂർ ജില്ലാ കമ്മിറ്റി ഓഫീസിൽ നേരിട്ടെത്തിയാണ് പാർട്ടിയിൽ ചേരാനുള്ള സന്നദ്ധത ഇവർ അറിയിച്ചത്.പുറത്തിൽ പള്ളിയിലെ സാമ്പത്തിക ക്രമക്കേടുമായി ബന്ധപ്പെട്ടാണ് മൂസാൻകുട്ടിയും ലീഗ് നേതൃത്വവും തമ്മിൽ ഇടയുന്നത്.ഇതിനൊപ്പം സി.എച് സ്കൂളിലെ നിയമനത്തെ കുറിച്ചും ഇദ്ദേഹം ലീഗിനെതിരെ ആരോപണം ഉന്നയിച്ചു.രണ്ടു സംഭവത്തിലും ലീഗ് അന്വേഷണ കമ്മീഷനെ നിയമിച്ചിരുന്നു.പുറത്തിൽപ്പള്ളി കേസിൽ ലീഗ് നേതാവായ കെ.പി താഹിറിനെ പാർട്ടി സ്ഥാനങ്ങളിൽ നിന്നും പുറത്താക്കി.സി.എച് എം നിയമന കേസിൽ ബന്ധപ്പെട്ടവരെ താക്കീതു ചെയ്യാനും ലീഗ് നേതൃത്വം തീരുമാനിച്ചു.എന്നാൽ ആരോപണം ഉന്നയിച്ച മൂസാൻകുട്ടിയെ ലീഗിന്റെ പ്രാഥമിക അംഗത്വത്തിൽ നിന്നും നീക്കി.കുറ്റക്കാരെ സംരക്ഷിക്കുകയും അത് ചൂണ്ടിക്കാട്ടിയവരെ ശിക്ഷിക്കുകയും ചെയ്യുന്ന ലീഗിന്റെ നടപടിയിൽ പ്രതിഷേധിച്ചാണ് സി പി എമ്മിനൊപ്പം ചേർന്നതെന്ന് മൂസാൻകുട്ടി പറഞ്ഞു.