ന്യൂഡൽഹി:ഇന്ത്യയുടെ പതിനാലാമത്‌ രാഷ്ട്രപതിയായി രാംനാഥ് കോവിന്ദിനെ തിരഞ്ഞെടുത്തു.എൻ.ഡി.എ സ്ഥാനാർഥിയായ രാംനാഥ് കോവിന്ദ് ദളിത് വിഭാഗക്കാരനാണ്.പാർലമെന്റ് മന്ദിരത്തിൽ നടന്ന വെട്ടെണ്ണലിൽ വിജയത്തിനാവശ്യമായ വോട്ടുമൂല്യം ഉറപ്പിച്ചതോടെയാണ് രാംനാഥ് കോവിന്ദ് പതിനാലാമതു രാഷ്ട്രപതിയാകുമെന്നു ഉറപ്പായത്.ഔദ്യോഗിക പ്രഖ്യാപനം ഉടൻ ഉണ്ടാകും.പ്രവചനങ്ങൾ ശരിവെച്ച് ലോക്സഭാ,രാജ്യസഭാ എംപി മാരിൽ ഭൂരിപക്ഷവും എൻ.ഡി.എ സ്ഥാനാർഥി രാംനാഥ് കോവിന്ദിനോപ്പം നിലയുറപ്പിച്ചു.കോവിന്ദിന് 522 എംപി മാരുടെ വോട്ട് ലഭിച്ചു.225 എംപിമാർ മീരാകുമാറിന് വോട്ടു ചെയ്തു.അതിനിടെ ഗുജറാത്തിലും ഗോവയിലും കോൺഗ്രസ് വോട്ടു ചോർച്ചയുണ്ടായി.ഇന്ന് രാവിലെ പതിനൊന്നു മണിയോടെയാണ് വോട്ടെണ്ണൽ ആരംഭിച്ചത്.