കൊച്ചി:നടിയെ ആക്രമിച്ച കേസിൽ ദിലീപിനെതിരെ മഞ്ജു സാക്ഷിയാകുമെന്ന വാർത്ത തെറ്റാണെന്നു ആലുവ റൂറൽ എസ്.പി എ.വി ജോർജ്.മഞ്ജു വാര്യർ ഉൾപ്പെടെ ഒരു നടിയെയും ചോദ്യം ചെയ്യാൻ തീരുമാനിച്ചിട്ടില്ലെന്നും അദ്ദേഹം പറഞ്ഞു.നടിയെ ആക്രമിച്ച കേസിൽ ദിലീപിനെ അറസ്റ്റ് ചെയ്തത് ശക്തമായ തെളിവുകളുടെ അടിസ്ഥാനത്തിലാണെന്നും ദിലീപിന് ജാമ്യം നിഷേധിക്കാൻ മാത്രം ശക്തമാണ് തെളിവുകളെന്നും എസ്.പി പറഞ്ഞു.തെളിവുകളുടെ അടിസ്ഥാനത്തിൽ ഇനിയും അറസ്റ്റുണ്ടാകുമെന്നും അദ്ദേഹം വ്യക്തമാക്കി.