മട്ടന്നൂർ:മട്ടന്നൂർ നഗരസഭാ തിരഞ്ഞെടുപ്പിൽ മുഴുവൻ പോളിങ് ബൂത്തുകളിലും വെബ്കാസ്റ്റിംഗ് നടത്താൻ തിരഞ്ഞെടുപ്പ് കമ്മീഷൻ തീരുമാനിച്ചു.ഒരു വാർഡിൽ ഒന്ന് എന്ന നിലയിൽ 35 ബൂത്തുകളാണ് ഉള്ളത്.27 ബൂത്തുകൾ പ്രശ്ന സാധ്യതയുള്ളതായാണ് റിപ്പോർട്ട്.കൂടാതെ കന്നി വോട്ടർമാർക്ക് വൃക്ഷത്തൈ വിതരണം നടത്താൻ ഡെപ്യൂട്ടി കളക്ടർ(തിരഞ്ഞെടുപ്പ്)സി.എം ഗോപിനാഥന്റെ അധ്യക്ഷതയിൽ ചേർന്ന യോഗം തീരുമാനിച്ചു.ചുറ്റുമതിലില്ലാത്ത പോളിംഗ് ബൂത്തുകളിൽ ബാരിക്കേടൊരുക്കാനും നഗരസഭാ അധികൃതർക്ക് നിർദേശം നൽകി.സോഷ്യൽ മീഡിയ വഴിയുള്ള പ്രചാരണവും കർശനമായി നിരീക്ഷിക്കാൻ യോഗത്തിൽ തീരുമാനമായി.