വയനാട്:മീനങ്ങാടിയിലെ ബാലഭവനിലെ വിദ്യാർത്ഥികളെ പീഡിപ്പിച്ച കേസിൽ ഒളിവിലായിരുന്ന വൈദികൻ അറസ്റ്റിൽ.കണ്ണൂർ കൊട്ടിയൂർ സ്വദേശി സജി ജോസഫ് ആണ് പിടിയിലായത്.ഇയാളെ മംഗലാപുരത്തു നിന്നാണ് പിടികൂടിയത്.പല സ്ഥലങ്ങളിലായി ഒളിച്ചു കഴിയുകയായിരുന്ന ഇയാൾ മംഗലാപുരത്തു ഒരു ബന്ധുവിന്റെ തോട്ടത്തിൽ ഒളിച്ചു കഴിയുകയായിരുന്നു.ഇയാളുടെ പേരിൽ പോക്സോ നിയമപ്രകാരം പോലീസ് കേസെടുത്തു.സ്കൂൾ അവധിക്കാലത്തു വൈദികൻ ലൈംഗികമായി പീഡിപ്പിച്ചു എന്നാണ് ആൺകുട്ടികൾ മൊഴിനൽകിയത്.കഴിഞ്ഞ അധ്യയനവര്ഷമാണ് കേസിനാസ്പദമായ സംഭവം നടന്നത്.