കോഴിക്കോട്:കോഴിക്കോട് ബൈപാസിൽ യുവാവിന്റെ മൃതദേഹം കണ്ടെത്തി.രാത്രി ബൈപാസിലൂടെ പോയ ഏതെങ്കിലും വാഹനം ഇടിച്ചായിരിക്കാം മരണം എന്നാണ് പോലീസിന്റെ നിഗമനം.ബൈപാസിൽ ഹൈലൈറ് മാളിനടുത്താണ് സമീപവാസിയായ സുധീഷ് എന്നയാളുടെ മൃതദേഹം കണ്ടെത്തിയത്.ഭാര്യയുമായി അകന്നു കഴിഞ്ഞിരുന്ന ഇയാൾ കഴിഞ്ഞ ദിവസം വീട്ടിലെത്തിയിരുന്നില്ല.സുധീഷിന്റെ അമ്മ രാവിലെ പണിക്കു പോകുമ്പോഴാണ് മൃതദേഹം കണ്ടത്.മൃതദേഹത്തിനടുത്തു നിന്നും ഇടിച്ചതെന്നു കരുതുന്ന വാഹനത്തിന്റെ ഭാഗങ്ങളും കിട്ടിയിട്ടുണ്ട്.നല്ലളം പോലീസ് കേസെടുത്ത് അന്വേഷണം ആരംഭിച്ചു.