കണ്ണൂർ:നഴ്സുമാരുടെ സമരം നടക്കുന്ന ആശുപത്രികളിൽ ജോലിക്കു പോകണമെന്ന ഉത്തരവിനെതിരെ വിദ്യാർത്ഥികളുടെ പ്രതിഷേധം.പരിയാരം മെഡിക്കൽ കോളേജ് നഴ്സിംഗ് സ്കൂളിലെ വിദ്യാർത്ഥികളാണ് പ്രതിഷേധവുമായി രംഗത്തെത്തിയത്.കോളേജിന് മുൻപിൽ പഠിപ്പു മുടക്കി വിദ്യാർഥികൾ മുദ്രാവാക്യം വിളിക്കുകയാണ്.നഴ്സുമാരുടെ സമരത്തിന് പിന്തുണ പ്രഖ്യാപിച്ച് വിദ്യാർഥികൾ പ്രകടനവും നടത്തി. നഴ്സുമാർക്ക് പകരം നഴ്സിംഗ് വിദ്യാർത്ഥികളെ സേവനത്തിനിറക്കാൻ ഉത്തരവിറക്കിയ കണ്ണൂർ ജില്ലാ കളക്റ്ററുടെ നടപടിക്കെതിരെ ഹൈക്കോടതിയെ സമീപിക്കുമെന്ന് നഴ്സിംഗ് അസോസിയേഷനുകൾ അറിയിച്ചിട്ടുണ്ട്.