കൊച്ചി:നടിയെ ആക്രമിച്ച കേസിൽ റിമാൻഡിൽ കഴിയുന്ന നടൻ ദിലീപ് ഹൈക്കോടതിയിൽ ജാമ്യാപേക്ഷ സമർപ്പിച്ചു.അങ്കമാലി മജിസ്‌ട്രേറ്റ് കോടതി ജാമ്യം നിഷേധിച്ച സാഹചര്യത്തിലാണ് ഈ നീക്കം.കേസിലെ മുഖ്യ പ്രതിയായ പൾസർ സുനിയുടെ മൊഴിയുടെ മാത്രം അടിസ്ഥാനത്തിലാണ് ദിലീപിന്റെ അറസ്റ്റ് എന്നും ജാമ്യം നിഷേധിക്കാൻ ഇത് മതിയായ കാരണമല്ലെന്നും പ്രതിഭാഗം വാദിക്കും.കേസ് ഡയറി വിളിച്ചു വരുത്തി പരിശോധിക്കണമെന്ന വാദവും പ്രതിഭാഗം ഉന്നയിക്കാനാണ് സാധ്യത.മജിസ്‌ട്രേറ്റ് കോടതി ജാമ്യം നിഷേധിച്ചെങ്കിലും ഹൈക്കോടതിയിൽ നിന്നും ജാമ്യം നേടാനാകുമെന്ന പ്രതീക്ഷയിലാണ് ദിലീപ്.