തിരുവനന്തപുരം:നഴ്സുമാരുടെ സമരം തീർക്കാൻ സർക്കാർ ഇടപെടൽ ഉടൻ ഉണ്ടാകില്ലെന്ന് സൂചന.നിലവിലെ ശമ്പള വർധന ന്യായമാണെന്ന നിലപാടിലാണ് സർക്കാർ.അതേസമയം നഴ്‌സുമാർ പണിമുടക്ക് തുടങ്ങിയാൽ സ്വകാര്യ ആശുപത്രികളുടെ പ്രവർത്തനം സ്തംഭിക്കുന്നതിനോടൊപ്പം സർക്കാർ ആശുപത്രികളുടെ ജോലി ഭാരം കൂടുകയും ചെയ്യും.ഇതേസമയം സമരം ശക്തിപ്പെടുത്തുന്നതുൾപ്പെടെയുള്ള കാര്യങ്ങൾ ചർച്ച ചെയ്യാൻ യു.എൻ.ഓ സംസ്ഥാന സമിതി തൃശ്ശൂരിൽ യോഗം ചേരും.വേതന വർധന ആവശ്യപ്പെട്ടുകൊണ്ടുള്ള നഴ്സുമാരുടെ സമരം ന്യായമാണെന്ന് കണ്ടുകൊണ്ടാണ് സർക്കാർ ആദ്യ ഘട്ടത്തിൽ ഇടപെടൽ നടത്തിയത്.മിനിമം വേതനം 20,000 രൂപയാക്കണമെന്ന ആവശ്യം അംഗീകരിച്ചുവെന്നും പണിമുടക്കിയുള്ള സമരത്തെ പിന്തുണയ്ക്കാനാകില്ല എന്നും സർക്കാർ വ്യക്തമാക്കുന്നു.