കൊച്ചി:നടി ആക്രമിക്കപ്പെട്ട കേസിൽ അറസ്റ്റിലായ ദിലീപിനെതിരെ കൂട്ടമാനഭംഗം ഉൾപ്പെടെയുള്ള കുറ്റങ്ങൾ ചുമത്തും.നിഷേധിക്കാൻ കഴിയാത്ത 19 തെളിവുകളാണ് ദിലീപിനെതിരെ അന്വേഷണ സംഘത്തിന് ലഭിച്ചിരിക്കുന്നത്.ഗൂഢാലോചന ഉൾപ്പെടെയുള്ള കുറ്റങ്ങൾ തെളിയിക്കാനാവശ്യമായ തെളിവുകളുടെ അടിസ്ഥാനത്തിലാണ് അറസ്റ്റ്.ഇപ്പോൾ പതിനൊന്നാം പ്രതിയായ ദിലീപ് കുറ്റപത്രം സമർപ്പിക്കപ്പെടുമ്പോൾ രണ്ടാം പ്രതിയാകും.പൾസർ സുനിയാണ് ഒന്നാം പ്രതി.എന്നാൽ തെളിവുകൾ ഏതെല്ലാമാണെന്നു വെളിപ്പെടുത്താനാകില്ലെന്നു ഡിജിപി ലോക്നാഥ് ബെഹ്‌റ വ്യക്തമാക്കി.