കൊച്ചി:നടിയെ ആക്രമിക്കാനുള്ള കൊട്ടേഷൻ പൾസർ സുനിക്ക് നൽകിയത് ദിലീപ് നേരിട്ട്.ദിലീപിന്റെ പേരിലുള്ള കെ.എൽ 7 ബി ക്യു 5445 എന്ന ബി.എം.ഡബ്ല്യൂ കാറിനുള്ളിൽ വെച്ചാണ് കൊട്ടേഷൻ സുനിക്ക് കൈമാറുന്നത്.പിന്നീട് കൊച്ചിയിലെ എം.ജി റോഡിലുള്ള ഒരു ഹോട്ടലിൽ വെച്ചും ഇരുവരും കൂടിക്കാഴ്ച നടത്തി.നടിയെ ഉപദ്രവിക്കുന്ന മൂന്നു മിനിട്ടു ദൈർഘ്യമുള്ള വീഡിയോ പകർത്തുന്നതിന് ഒന്നരകോടി രൂപയാണ് ദിലീപ് വാഗ്ദാനം ചെയ്തത്.ക്വട്ടേഷന്റെ ഭാഗമായി പതിനായിരം രൂപ അഡ്വാന്‍സും നല്‍കി.നടിയുടെ ചിരിക്കുന്ന മുഖവും വിവാഹ മോതിരവും ദൃശ്യങ്ങളില്‍ വേണമെന്ന് ദിലീപ് സുനിയോട് ആവശ്യപ്പെട്ടിരുന്നുവെന്നും പോലീസ് പറയുന്നു.