കോഴിക്കോട് :കോഴിക്കോട് മുക്കത്ത് നാലുവയസ്സുകാരിക്ക് പിതാവിന്റെ ക്രൂര മർദനം.നാല് ദിവസം മുൻപാണ് കുട്ടിക്ക് മർദനമേറ്റത്.കട്ടിൽ കേടാക്കി എന്നുപറഞ്ഞു ഇരുമ്പു വടിഉപയോഗിച്ച് കുട്ടിയെ ക്രൂരമായി ഉപദ്രവിക്കുകയായിരുന്നു.ശരീരത്തിൽ നിരവധി മുറിവുകളോടെ കുട്ടി മുക്കം പ്രാഥമികാരോഗ്യ കേന്ദ്രത്തിൽ ചികിത്സയിലാണ്.ഉടൻ തന്നെ കുട്ടിയെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുമെന്ന് അധികൃതർ അറിയിച്ചു.സംഭവത്തിൽ കുട്ടിയുടെ പിതാവിനെ പോലീസ് അറസ്റ്റ് ചെയ്തു.എന്നാൽ സംഭവത്തെ കുറിച്ച് യാതൊന്നും അറിയില്ലെന്നാണ് കുട്ടിയുടെ മാതാവ് പൊലീസിന് മൊഴി നൽകിയിരിക്കുന്നത്.