ന്യൂഡൽഹി:ഉത്പന്നങ്ങളിൽ ജി.എസ്.ടി സ്റ്റിക്കർ ഒട്ടിച്ചില്ലെങ്കിൽ വ്യാപാരികൾക്ക് ഒരു ലക്ഷം രൂപ വരെ പിഴയും ജയിൽ ശിക്ഷയും ലഭിക്കും.കേന്ദ്ര ഭക്ഷ്യ ഉപഭോക്തൃ കാര്യ മന്ത്രി രാംവിലാസ് പാസ്വാൻ ആണ് ഇക്കാര്യം അറിയിച്ചത്.ജി.എസ്.ടി നിലവിൽ വന്നതിനു ശേഷമുള്ള പുതിയ പ്രൈസ് ടാഗ് ഓരോ ഉത്പന്നങ്ങളിലും ഉണ്ടാകണമെന്ന് മന്ത്രി വ്യക്തമാക്കി.പഴയ സ്റ്റോക്കുകൾ സെപറ്റംബറോടെ വിറ്റു തീർക്കണമെന്നും വ്യാപാരികൾക്ക് നിർദേശമുണ്ട്.പുതിയ പ്രൈസ് ടാഗ് വെച്ചിട്ടില്ലെന്ന കാര്യം ആദ്യ തവണ ശ്രദ്ധയിൽപെട്ടാൽ 25,000 രൂപയായിരിക്കും പിഴ.രണ്ടാമത്തെ തവണ ഇത് 50,000 ആകും.മൂന്നാമതും നിർദേശം ലംഘിച്ചെന്നു കണ്ടാൽ ഒരുലക്ഷം രൂപ വരെ പിഴ ഈടാക്കും.കൂടാതെ ഒരു വർഷം തടവ് ശിക്ഷയും ലഭിക്കും.