കോഴിക്കോട്:മുക്കം കാരശേരി പഞ്ചായത്തിലെ ഗെയ്റ്റുംപടി തൊണ്ടിമ്മൽ റോഡിൽ ചാക്കിൽ കെട്ടിയ നിലയിൽ അജ്ഞാത മൃതദേഹം കണ്ടെത്തി.കയ്യും കാലും തലയും വെട്ടിമാറ്റിയ നിലയിലാണ് മൃതദേഹം കണ്ടെത്തിയത്.ചാക്കിൽ കെട്ടിയ നിലയിൽ കണ്ട മൃതദേഹം തെരുനായ്ക്കൾ കടിച്ചു കീറി പുറത്തിട്ടപ്പോഴാണ് നാട്ടുകാരുടെ ശ്രദ്ധയിൽപെട്ടത്.രണ്ടാഴ്ച മുൻപാണ് രണ്ടു ചാക്കുകൾ റോഡരികിൽ അജ്ഞാതർ ഉപേക്ഷിച്ചത്.അതിലൊന്നിൽ അറവുശാലയിൽ നിന്നുള്ള മാലിന്യങ്ങൾ ആയിരുന്നു.സംഭവത്തിൽ പോലീസ് അന്വേഷണം ആരംഭിച്ചു.മൃതദേഹം പുരുഷന്റേതാണെന്ന് സ്ഥിതീകരിച്ചിട്ടുണ്ട്.കഴിഞ്ഞ ദിവസം ചാലിയം തീരത്ത് മനുഷ്യന്റെ കൈകൾ കണ്ടെത്തിയ സംഭവവുമായി ഇതിനു ബന്ധമുണ്ടോ എന്ന് പരിശോധിക്കാൻ ഫോറൻസിക് വിഭാഗത്തെ ചുമതലപ്പെടുത്തുമെന്നു താമരശ്ശേരി ഡി.വൈ.എസ്.പി അഷ്‌റഫ് വ്യക്തമാക്കി.ഡോഗ് സ്‌ക്വാഡ് അടക്കമുള്ളവർ സ്ഥലത്തെത്തി പരിശോധന നടത്തുന്നുണ്ട്.കോഴിക്കോട് നിന്നോ സമീപ ജില്ലകളിൽ നിന്നോ കാണാതായവരുടെ വിവരങ്ങളും പോലീസ് ശേഖരിക്കുന്നുണ്ട്.