ഛത്തിസ്ഗഢ് :ജൂലൈ ഒന്നിനാണ് രാജ്യത്ത് ഏകീകൃത നികുതി സംവിധാനമായ ഗുഡ്സ് ആൻഡ് സർവീസസ് ടാക്സ് (ജിഎസ്ടി) പ്രഖ്യാപിക്കപ്പെട്ടത്. ഇന്ത്യയിലെ ഏറ്റവും വലിയ നികുതി പരിഷ്കരണമായ ജിഎസ്ടി പ്രഖ്യാപനം നടന്ന അന്നുതന്നെയാണ് ഛത്തീസ്ഗഢ് സ്വദേശി ജഗദീഷ് പ്രസാദിന് മകള്‍ ജനിച്ചത്. മകള്‍ക്ക് എന്ത് പേരിടുമെന്ന് ചിന്തിച്ചപ്പോള്‍ ജഗദീഷിന് ഒരാശയം തോന്നി. അങ്ങിനെ ജിഎസ്ടി നടപ്പിലായതിന്റെ ദിവസം ജനിച്ച മകള്‍ക്ക് ‘ജിഎസ്ടി’ എന്ന് പേരിട്ടു. ജിഎസ്ടിയെന്ന് പേരിട്ടതറിഞ്ഞ് നിരവധി ഗ്രാമവാസികളാണ് കുഞ്ഞു ജിഎസ്ടിയെ കാണുവാനായി എത്തുന്നത്. മകളുടെ ജനനത്തോടെ ഇപ്പോള്‍ ഗ്രാമത്തില്‍ പ്രശസ്തനായിരിക്കുകയാണ് ജഗദീഷ്.