തളിപ്പറമ്പ് : തളിപ്പറമ്പ് നിയോജക മണ്ഡലത്തിലെ തിരഞ്ഞെടുക്കപ്പെട്ട സ്കൂളുകളിലേക്കുള്ള കമ്പ്യൂട്ടർ ഉപകരണങ്ങളുടെ വിതരണം നാളെ രണ്ടു മണിക് തളിപ്പറമ്പ് സർസയ്യിദ് കോളേജിൽ ജെയിംസ് മാത്യു എം ൽ എ ഉത്ഘാടനം ചെയ്യും. സംസ്ഥാനത്തെ പൊതു വിദ്യാലയങ്ങളിലെ 8 മുതൽ 12 വരെ ക്ലാസുകൾ ഹൈ ടെക് ആക്കുന്നതിന്റെ ഭാഗമായാണിത്.
20 ഹൈ സ്കൂളുകൾ, 15 ഹയർ സെക്കന്ററി സ്കൂളുകൾ, 3 വൊക്കേഷണൽ ഹയർ സെക്കണ്ടറി സ്കൂളുകൾ എന്നിവിടങ്ങളിലെ 408 ക്ലാസ് മുറികളാണ് ഹൈ ടെക് ആകുന്നത്. പൈലറ്റ് പ്രൊജക്റ്റായി സംസ്ഥാനത്തു പദ്ധതി നടപ്പാക്കുന്ന നാലു മണ്ഡലങ്ങളിൽ മൂന്നാമത്തേതാണ് തളിപ്പറമ്പ്. ഡെസ്ക് ടോപ് കംപ്യൂട്ടറുകൾ, ക്ലാസ്സുകളിലേക്കുള്ള ലാപ് ടോപ്, പ്രൊജക്ടർ എന്നിവയാണ് ആദ്യഘട്ടത്തിൽ വിതരണം ചെയുന്നത്.