മോസ്കൊ:സൈബീരിയയിൽ ഷോപ്പിംഗ് മാളിലുണ്ടായ അഗ്നിബാധയിൽ 37 പേർ മരിച്ചു. സൈബീരിയൻ നഗരമായ കേമറോവോയിലുള്ള ഷോപ്പിംഗ് മാളിലാണ് തീപിടുത്തമുണ്ടായത്. ഷോപ്പിംഗ് മാളിനുള്ളിലെ സിനിമാ തിയറ്ററിൽ നിന്നാണ് തീപടർന്നതെന്നാണ് വിവരം. എന്നാൽ തീപിടിത്തത്തിനുള്ള കാരണം എന്താണെന്ന് വ്യക്തമല്ല. തീ ഇതുവരെ പൂർണമായി നിയന്ത്രണവിധേയമായിട്ടില്ല.69 പേർ കെട്ടിടത്തിൽ കുടുങ്ങി കിടപ്പുണ്ടെന്നാണ് റിപ്പോർട്ട്. ഇതിൽ 40 പേർ കുട്ടികളാണ്. റഷ്യൻ ദുരന്തനിവാരണ വിഭാഗമാണ് ഇത് സംബന്ധിച്ച വിവരം പുറത്ത് വിട്ടത്.കെട്ടിടത്തിലെ സിനിമാഹാളിനും വിനോദ മേഖലയ്ക്കും സമീപത്താണ് തീപിടുത്തമുണ്ടായതെന്ന് പ്രാദേശിക മാധ്യമങ്ങള്‍ റിപ്പേര്‍ട്ട് ചെയ്യുന്നു. ഇതാണ് അപകടത്തില്‍ കൂടുതല്‍ കുട്ടികള്‍ ഉള്‍പ്പെടാന്‍ കാരണം. കെട്ടിടത്തിനകത്ത് കുടുങ്ങിയ ഇരുനൂറിലധികം പേരെ രക്ഷപ്പെടുത്തിയതായി ഫയര്‍ഫോഴ്സ് പ്രതിനിധികള്‍ അറിയിച്ചു.അപകട കാരണം എന്താണെന്ന് ഇതുവരെ വ്യക്തമായിട്ടില്ല. അന്വേഷണത്തിന് ഉത്തരവിട്ടതായി സര്‍ക്കാര്‍ അറിയിച്ചു.