ഇരിട്ടി:വീരാജ്പേട്ടയിൽ നിന്നും ഇരിട്ടിയിലേക്ക് കടത്താൻ ശ്രമിച്ച 30 ലക്ഷം രൂപയുടെ കുഴൽപ്പണവും 800 ഗ്രാം സ്വർണ്ണവും പിടികൂടി.എക്‌സൈസ് സംഘം കിളിയന്തറ ചെക്ക് പോസ്റ്റിൽ നടത്തിയ പരിശോധനയിലാണ് ഇവ പിടികൂടിയത്.ബാഗിലാക്കി കാറിന്റെ സീറ്റിനടിയിൽ ഒളിപ്പിച്ച നിലയിലായിരുന്നു പണവും സ്വർണ്ണവും.സംഭവവുമായി ബന്ധപ്പെട്ട് വയനാട് കമ്പളക്കാട് സ്വദേശി കെ.കെ മുഹമ്മദ് ഇക്‌ബാലിനെ(25) അറസ്റ്റ് ചെയ്തു.ഇരിട്ടിയുള്ള ജ്വല്ലറിലേക്ക് കൊണ്ട് പോവുകയായിരുന്നു സ്വർണ്ണമെന്ന് പറഞ്ഞെങ്കിലും രേഖകളൊന്നും ഉണ്ടായിരുന്നില്ല.പിടികൂടിയ സ്വർണ്ണവും പണവും ഇരിട്ടി പൊലീസിന് കൈമാറി.