കോഴിക്കോട്: കരിപ്പൂര്‍ വിമാനത്താവളം വഴി വീണ്ടും സ്വര്‍ണക്കടത്ത്2.198 കിലോ സ്വർണ്ണവുമായി മലപ്പുറം സ്വദേശി കസ്റ്റഡിയിലായി.കടുങ്ങൂത്ത് സ്വദേശി റഷീദാണ് പിടിയിലായത്.മിശ്രിത രൂപത്തിലായിരുന്നു ഇയാള്‍ സ്വര്‍ണം കടത്താന്‍ ശ്രമിച്ചത്. കാലുകളില്‍ കെട്ടിവെച്ച നിലയിലായിരുന്നു സ്വര്‍ണം. ബഹറിനില്‍ നിന്നാണ് ഇയാള്‍ സ്വര്‍ണം എത്തിച്ചതെന്ന് അധികൃതര്‍ പറഞ്ഞു.വിമാനത്താവളം വഴിയുള്ള നിരന്തരമായ സ്വര്‍ണക്കടത്തിന് പിന്നില്‍ വന്‍ സംഘമാണ് പ്രവര്‍ത്തിക്കുന്നതെന്നാണ് സൂചന. സ്വര്‍ണക്കടത്ത് നിത്യസംഭവമാകുന്ന സാഹചര്യത്തില്‍ കരിപ്പൂര്‍ വിമാനത്താവളത്തില്‍ പരിശോധന ശക്തമാക്കിയിട്ടുണ്ട്.