കെയ്‌റോ:ഈജിപ്തിലെ വടക്കൻ സിനായി പ്രവിശ്യയിലെ മുസ്ലിം പള്ളിയിലുണ്ടായ ഭീകരാക്രമണത്തിൽ 235 പേർ മരിച്ചു.120 പേർക്ക് പരിക്കേറ്റു.വെള്ളിയാഴ്ച പള്ളിയിൽ പ്രാർത്ഥനയ്ക്കായി എത്തിയ വിശ്വാസികളെ ലക്ഷ്യമിട്ടായിരുന്നു ആക്രമണം.പള്ളിക്ക് പുറത്തു സ്ഫോടനം നടത്തി പരിഭ്രാന്തി പരത്തിയ ശേഷം അകത്തുകടന്ന ഭീകരർ വിശ്വാസികൾക്ക് നേരെ വെടിയുതിർക്കുകയായിരുന്നു.2014 ഇൽ ഐഎസുമായി ചേർന്ന സിനായിലെ തീവ്രവാദ വിഭാഗമാണ് ആക്രമണത്തിന് പിന്നിലെന്ന് കരുതുന്നു.സൂഫികളെയും ക്രിസ്തുമത വിശ്വാസികളെയും ലക്ഷ്യമിട്ട് ഇസ്ലാമിക് സ്റ്റേറ്റ് സിനായിൽ നിരവധി തവണ ആക്രമണം നടത്തിയിട്ടുണ്ട്.