കൊച്ചി:സംസ്ഥാനത്ത് വിപണിയിലുള്ള 21 ബ്രാൻഡ് വെളിച്ചെണ്ണകളിൽ മായം കണ്ടെത്തി. കൊച്ചിൻ ഓയിൽ മെർച്ചന്റ്സ് അസോസിയേഷൻ അംഗീകൃത ലബോറട്ടറിയിൽ നടത്തിയ പരിശോധനയിലാണ് വിപണിയിലുള്ള 31 ബ്രാൻഡുകളിൽ 21 എണ്ണത്തിലും മായം കലർന്നതായി കണ്ടെത്തിയത്.സാധാരണ വെളിച്ചെണ്ണയിൽ ഫ്രീ ഫാറ്റി ആസിഡ്(എഫ്.എഫ്.എ ) മൂന്നിൽ താഴെയും അയഡിൻ വാല്യൂ 7.5 നും 10 നും ഇടയിലുമാണ് വേണ്ടത്.എന്നാൽ പരിശോധനയിൽ മായം കണ്ടെത്തിയ വെളിച്ചെണ്ണകളിൽ പലതിലും അയഡിൽ വാല്യൂ 50 ഇൽ കൂടുതലും എഫ്.എഫ്.എ ൧൦ 10 ഇൽ കൂടുതലുമാണ്.പരിശോധന റിപ്പോർട്ടുകളും കമ്പനികളെ കുറിച്ചുള്ള വിവരങ്ങളും എറണാകുളം അസി.ഫുഡ് സേഫ്റ്റി കമ്മീഷണർക്ക് നൽകിയതായി അസോസിയേഷൻ സെക്രെട്ടറി പോൾ ആന്റണി പറഞ്ഞു.ആദ്യഘത്തിൽ അസോസിയേഷന്റെ ലാബിൽ പരിശോധിച്ച ഇരുപതോളം ബ്രാൻഡുകളിൽ പതിനേഴെണ്ണത്തിലും മായം കലർന്നതായി കണ്ടെത്തിയതിനെ തുടർന്ന് അസോസിയേഷൻ ഹൈക്കോടതിയെ സമീപിക്കുകയായിരുന്നു.ഇതിനെ തുടർന്ന് ഒരുമാസത്തിനകം നടപടിയെടുക്കണമെന്ന് ഭക്ഷ്യസുരക്ഷാ കമ്മീഷണറോട് കോടതി നിർദേശിച്ചിരുന്നു.ജനുവരി മൂന്നിന്റെ കോടതി ഉത്തരവിന്റെ അടിസ്ഥാനത്തിലാണ് വെളിച്ചെണ്ണ പരിശോധനക്കയച്ചത്.