ന്യൂഡൽഹി:കോവിന്‍ ആപ്പിന് പുറമെ സ്വകാര്യ ആപ്പുകള്‍ വഴിയും ഇനി കോവിഡ് വാക്സിന്‍ ബുക്ക് ചെയ്യാം.ഇതിനായി ലഭിച്ച 125 അപേക്ഷകരില്‍ നിന്നു 91 അപേക്ഷകളാണ് സര്‍ക്കാര്‍ അംഗീകരിച്ചത്.പേടിഎം, മേക്ക് മൈ ട്രിപ്, ഡോ. റെഡ്ഡി ലബോറട്ടറീസ്, മാക്സ് ഹെല്‍ത്ത്കെയര്‍, ഇന്‍ഫോസിസ്, അപ്പോളോ ആശുപത്രി തുടങ്ങിയ സ്വകാര്യ സ്ഥാപനങ്ങളെയാണ് വാക്സിന്‍ ബുക്ക് ചെയ്യാന്‍ തെരഞ്ഞെടുത്തത്. ഇതില്‍ പേടിഎം മാത്രമാണ് സേവനം ആരംഭിച്ചത്. കേരളം, ഉത്തര്‍പ്രദേശ്, കര്‍ണാടക അടക്കമുള്ള സംസ്ഥാന സര്‍ക്കാരുകളും ഇതില്‍ ഉള്‍പ്പെടുന്നുണ്ട്.
പേയ്ടിഎം ആപ്പില്‍ വാക്സിന്‍ ബുക്ക് ചെയ്യേണ്ട വിധം :
- പേടിഎം അപ്ലിക്കേഷന്‍ തുറക്കുക.
- പേടിഎം ആപ്പില്‍ ‘ഫീച്ചേര്‍ഡ്’ വിഭാഗം താഴേക്ക് സ്ക്രോള്‍ ചെയ്ത് ‘വാക്സിന്‍ ഫൈന്‍ഡര്‍’ ഓപ്ഷനില്‍ ക്ലിക്ക് ചെയ്യുക.
- പിന്‍ കോഡോ, അല്ലെങ്കില്‍ ഏത് സംസ്ഥാനമോ, ജില്ലയോ നല്‍കി നിങ്ങള്ക്ക് ലഭ്യമായ സ്ലോട്ടുകള്‍ക്കായി തിരയാന്‍ സാധിക്കുന്നതാണ്. കൂടാതെ, നിങ്ങളുടെ പ്രായപരിധി തിരഞ്ഞെടുക്കുകയും വേണം. വാക്സിനേഷന്‍റെ ആദ്യ ഡോസ് അല്ലെങ്കില്‍ രണ്ടാമത്തെ ഡോസിനായി നിങ്ങള്‍ അപ്പോയിന്റ്മെന്റ് ബുക്ക് ചെയ്യുന്നുണ്ടോ എന്നും തിരഞ്ഞെടുത്ത് ‘ചെക്ക് അവൈലബിലിറ്റി’ ക്ലിക്ക് ചെയ്യുക.
- വാക്സിന്‍ അപ്പോയിന്റ്മെന്റിനായി നിങ്ങള്‍ ഉപയോഗിക്കുന്ന മൊബൈല്‍ നമ്പറിൽ കീ ചെയ്യാന്‍ ഇത് നിങ്ങളോട് ആവശ്യപ്പെടും. മൊബൈല്‍ നമ്പര്‍ നൽകുമ്പോൾ നിങ്ങള്ക്ക് നമ്പറിലേക്ക് ഒരു ഒ‌ടി‌പി ലഭിക്കും. ബോക്സില്‍ ഒ‌ടി‌പി നല്‍കി ‘സബ്‌മിറ്റ്’ ക്ലിക്ക് ചെയ്യുക.
- ലഭ്യമായ കോവിഡ്-19 വാക്സിനേഷന്‍ സ്ലോട്ടുകളുടെ പട്ടിക പേടിഎം അപ്ലിക്കേഷന്‍ ഇപ്പോള്‍ കാണിക്കും. ഈ സ്ലോട്ടില്‍ നിന്നും ഒരു ആശുപത്രി അല്ലെങ്കില്‍ കോവിഡ് സെന്റര്‍ തിരഞ്ഞെടുത്ത് സൗകര്യമുള്ള ഒരു തീയതിയും നല്‍കുക.
- ലഭ്യമായിട്ടുള്ള ടൈം സ്ലോട്ടുകള്‍ നിങ്ങള്ക്ക് ലഭിക്കും. നിങ്ങളുടെ സൗകര്യത്തിനനുസരിച്ച്‌ ഒറ്റത്തവണ സ്ലോട്ട് തിരഞ്ഞെടുക്കുക.
- ടൈം സ്ലോട്ട് വിഭാഗത്തിന് മുകളില്‍ നിങ്ങള്‍ രജിസ്റ്റര്‍ ചെയ്ത ആളുകളുടെ പട്ടിക നിങ്ങള്‍ കാണും. വാക്സിനേഷന്‍ സ്ലോട്ടിനായി നിങ്ങള്‍ ബുക്ക് ചെയ്യുന്ന പട്ടികയില്‍ നിന്ന് ഒരു ബെനിഫിഷറിയെ തിരഞ്ഞെടുക്കുക. എന്നിട്ട്, ‘ഷെഡ്യൂള്‍ നൗ’ ക്ലിക്ക് ചെയ്യുക.
