കണ്ണൂര്‍: ജില്ലയില്‍ കൊവിഡ് രോഗികള്‍ വര്‍ദ്ധിക്കുന്ന സാഹചര്യത്തില്‍ കൊവിഡ് വ്യാപനത്തിന്റെ ആദ്യഘട്ടത്തില്‍ നടപ്പിലാക്കിയത് പോലുള്ള ജാഗ്രത നിർദേശങ്ങൾ പാലിക്കാന്‍ ജനങ്ങളെ ഉല്‍ബോധിപ്പിക്കുന്ന ‘ബാക്ക് ടു ബേസിക്’ ക്യാമ്പയിൻ ശക്തമാക്കി ജില്ലാ ഭരണകൂടം.പോസിറ്റീവ് കേസുകള്‍ വര്‍ധിച്ചുവരുന്ന സാഹചര്യത്തില്‍ തദ്ദേശ സ്ഥാപനങ്ങള്‍ കൂടുതല്‍ ജാഗ്രതയോടെ പ്രവര്‍ത്തിക്കണമെന്ന് കണ്ണൂര്‍ ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ടി വി സുഭാഷ് നിര്‍ദ്ദേശം നല്‍കി.തദ്ദേശ സ്ഥാപന പ്രതിനിധികളുമായി നടത്തിയ ഓണ്‍ലൈന്‍ യോഗത്തില്‍ സംസാരിക്കുകയായിരുന്നു അദ്ദേഹം. കൊവിഡ് ബാധിതരുള്ള വീടുകള്‍ മുന്‍കാലങ്ങളിലെ പോലെ പ്രത്യേകം ശ്രദ്ധിക്കണം. അവരുടെ സമ്പർക്കപ്പട്ടിക തയ്യാറാക്കുന്നതിനും അവരുമായി അടുത്ത് ഇടപഴകിയവരെ കൊവിഡ് പരിശോധന നടത്തുന്നതിനുമുള്ള നടപടി സ്വീകരിക്കണം. എല്ലാ തദ്ദേശ സ്വയംഭരണ സ്ഥാപനങ്ങളിലും ഹോം ഐസൊലേഷന്‍ സൗകര്യം ഇല്ലാത്തവരെ താമസിപ്പിക്കുന്നതിന് ഒന്നോ രണ്ടോ വീടുകളോ സ്ഥാപനങ്ങളോ കണ്ടെത്തി സൗകര്യങ്ങള്‍ ഒരുക്കണമെന്നും ജില്ലാ കലക്ടര്‍ നിര്‍ദ്ദേശിച്ചു.പോസിറ്റീവ് കേസുകള്‍ വര്‍ധിച്ചുവരുന്ന സാഹചര്യത്തില്‍ തദ്ദേശ സ്ഥാപനങ്ങള്‍ കൂടുതല്‍ ജാഗ്രതയോടെ പ്രവര്‍ത്തിക്കണമെന്ന് കണ്ണൂര്‍ ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ടി വി സുഭാഷ് നിര്‍ദ്ദേശം നല്‍കി.തദ്ദേശ സ്ഥാപന പ്രതിനിധികളുമായി നടത്തിയ ഓണ്‍ലൈന്‍ യോഗത്തില്‍ സംസാരിക്കുകയായിരുന്നു അദ്ദഹം.ജില്ലയുടെ പ്രതിദിന പരിശോധനാ ലക്ഷ്യം 9000 ആയതിനാല്‍ ആഴ്ചയില്‍ ഓരോ പഞ്ചായത്തിലും 700, മുന്‍സിപ്പാലിറ്റികളില്‍ 1000, കോര്‍പ്പറേഷനില്‍ 1200 എന്ന തോതില്‍ ടെസ്റ്റ് നടത്താന്‍ സംവിധാനം ഒരുക്കണം. പരിശോധന നിര്‍ദ്ദേശിക്കപ്പെട്ട ആളുകള്‍ ടെസ്റ്റ് നടത്തിയെന്ന കാര്യം ആരോഗ്യ വകുപ്പ് ഉദ്യോഗസ്ഥര്‍ ഉറപ്പുവരുത്തമെന്നും കലക്റ്റർ നിർദേശിച്ചു.
