November 2020

കണ്ണൂർ:കേരളബാങ്ക് ജില്ലയിൽ 10 എടിഎമ്മുകൾ കൂടി തുറന്നു.കണ്ണപുരം,പിലാത്തറ,മാതമംഗലം,കടന്നപ്പള്ളി,അഴീക്കോട്,ചക്കരക്കൽ,കൂത്തുപറമ്പ്,മട്ടന്നൂർ,പേരാവൂർ,ഇരിട്ടി,എന്നിവിടങ്ങളിലാണ് തുടങ്ങിയത്.മന്ത്രി കടകംപള്ളി സുരേന്ദ്രൻ ഓൺലൈനായി എ ടി എമ്മുകളുടെ ഉൽഘാടനം നിർവഹിച്ചു.ഇതോടെ ജില്ലയിൽ ബാങ്കിന് ഒരു മൊബൈൽ എടിഎം ഉൾപ്പെടെ 31 എ ടി എമ്മുകളായി.സഹകരണ മേഖലയ്ക്ക് അന്യമായിരുന്ന ആധുനിക ബാങ്കിങ് സേവനം എല്ലാ ജനവിഭാഗങ്ങൾക്കും ലഭ്യമാക്കുകയാണ് കേരളാ ബാങ്ക് വഴി സർക്കാർ ലക്ഷ്യമിടുന്നതെന്ന് മന്ത്രി പറഞ്ഞു.മൂന്നുവർഷത്തിനുള്ളിൽ മൂന്നുലക്ഷം കോടി രൂപയുടെ ബിസിനസ്സ് ബാങ്കിന് നേടാനാകുമെന്നും അദ്ദേഹം കൂട്ടിച്ചേർത്തു. ചീഫ് എക്സിക്യൂട്ടീവ് ഓഫീസർ പി.എസ് രാജൻ അധ്യക്ഷനായി.ചീഫ് ജനറൽ മാനേജർ കെ.സി സഹദേവൻ,റീജിയണൽ ജനറൽ മാനേജർ എ.അനിൽകുമാർ എന്നിവർ സംസാരിച്ചു.

ചക്കരക്കല്ലിൽ ചെമ്പിലോട് പഞ്ചായത്ത് പ്രസിഡണ്ട് ടി.വി ലക്ഷ്മി,മാതമംഗലത്ത് എരമം-കുറ്റൂർ പഞ്ചായത്ത് പ്രസിഡന്റ് സത്യഭാമ,കണ്ണപുരത്ത് പഞ്ചായത്ത് അംഗം കെ.മോഹനൻ,പേരാവൂരിൽ പഞ്ചായത്ത് പ്രസിഡന്റ് ജിജി ജോയ്,മട്ടന്നൂരിൽ നഗരസഭാ ചെയർ പേഴ്സൺ അനിത വേണു,പിലാത്തറയിൽ പഞ്ചായത്ത് അംഗം കെ,ജനാർദനൻ,ഇരിട്ടിയിൽ മുനിസിപ്പൽ ചെയർമാൻ പി.പി അശോകൻ,അഴിക്കോട് സി.ഉദയചന്ദ്രൻ,കൂത്തുപറമ്പിൽ മുനിസിപ്പൽ ചെയർമാൻ എം.സുകുമാരൻ,കടന്നപ്പള്ളിയിൽ കേരളദിനേശ് ചെയർമാൻ എം.കെ ദിനേശ്ബാബു എന്നിവർ നാടമുറിച്ചു..

ന്യൂഡല്‍ഹി: രാഹുല്‍ ഗാന്ധി എംപി മത്സരിച്ച്‌ ജയിച്ച വയനാട്ടിലെ ലോക്‌സഭാ തെരഞ്ഞെടുപ്പ് ഫലം റദ്ദാക്കണമെന്ന് ആവശ്യപ്പെട്ട് സോളാര്‍ കേസ് പ്രതി സരിത എസ്. നായര്‍ സമര്‍പ്പിച്ച ഹര്‍ജി സുപ്രീംകോടതി തള്ളി. കോടതിയുടെ സമയം നഷ്ടപ്പെടുത്തിയതിന് പരാതിക്കാരിയായ സരിത എസ് നായര്‍ക്ക് ഒരു ലക്ഷം രൂപ പിഴയും കോടതി ചുമത്തി. ബാലിശമായ ഹര്‍ജി നല്‍കിയതിനാണ് പിഴവിധിച്ചത്.നാമനി൪ദേശ പത്രിക തള്ളിയത് ചോദ്യംചെയ്തുള്ള ഹരജി ഹൈക്കോടതി തള്ളിയിരുന്നു. ഈ നടപടി ചോദ്യം ചെയ്താണ് സുപ്രീംകോടതിയില്‍ ഹരജി നല്‍കിയത്.സോളാര്‍ തട്ടിപ്പുമായി ബന്ധപ്പെട്ട് പെരുമ്പാവൂര്‍, പത്തനംതിട്ട മജിസ്‌ട്രേറ്റ് കോടതികള്‍ സരിതയ്ക്ക് തടവുശിക്ഷ വിധിച്ചിരുന്നുവെന്ന് ചൂണ്ടിക്കാട്ടിയാണ് സരിതയുടെ പത്രിക വരണാധികാരികള്‍ തള്ളിയത്. തനിക്കെതിരായ ശിക്ഷാവിധി സെഷൻസ് കോടതി സ്റ്റേ ചെയ്തിട്ടുണ്ടെന്നും മത്സരിക്കാൻ തനിക്ക് അ൪ഹതയുണ്ടെന്നും ചൂണ്ടിക്കാട്ടിയാണ് സരിത ഹരജി നല്‍കിയത്. ജനപ്രാതിനിധ്യ നിയമമനുസരിച്ച് തനിക്ക് മത്സരിക്കാൻ അ൪ഹതയുണ്ടെന്നായിരുന്നു ഹരജിയിലെ വാദം.ചീഫ് ജസ്റ്റീസ് എസ്.എ. ബോബ്‌ഡെ അധ്യക്ഷനായ ബെഞ്ചാണ് വിധി പറഞ്ഞത്.സരിതയുടെ അഭിഭാഷകര്‍ തുടര്‍ച്ചയായി ഹാജരാകാത്തതിനെ തുടര്‍ന്നാണ് ഹര്‍ജി തള്ളുന്നതെന്നാണ് ചീഫ് ജസ്റ്റീസ് പറഞ്ഞത്. ഇന്നും സരിതയുടെ അഭിഭാഷകര്‍ ഹാജരായിരുന്നില്ല.

ബെംഗളൂരു:ലഹരിമരുന്ന് കടത്തുകേസിൽ അറസ്റ്റിലായ ബിനീഷ് കോടിയേരിയുടെ കസ്റ്റഡി കാലാവധി ഇന്നവസാനിക്കും.ഉച്ചയോടെ വൈദ്യ പരിശോധന നടത്തി ബിനീഷിനെ കോടതിയില്‍ ഹാജരാക്കും. കള്ളപ്പണം വെളുപ്പിക്കല്‍ കേസില്‍ അറസ്റ്റിലായ ബിനീഷ്കോടിയേരിയെ കഴിഞ്ഞ വ്യാഴാഴ്ചയാണ് നാലു ദിവസത്തെ ജുഡീഷ്യല്‍ കസ്റ്റഡിയില്‍ വിട്ടത്.ഇ.ഡിക്കൊപ്പം കേന്ദ്ര ഏജന്‍സിയായിട്ടുള്ള നര്‍ക്കോട്ടിക് കണ്‍ട്രോള്‍ ബ്യൂറോയും ഇന്ന് കസ്റ്റഡി അപേക്ഷ നല്‍കും.അന്വേഷണ പുരോഗതി സംബന്ധിച്ച്‌ വിശദമായി റിപ്പോര്‍ട്ട് ഇഡി കോടതിയില്‍ നല്‍കും.എന്നാല്‍ സാമ്പത്തിക ഇടപാടുകള്‍ സംബന്ധിച്ച്‌ വിവരങ്ങളൊന്നും ഇ.ഡിയ്ക്ക് ലഭിച്ചിട്ടില്ലെന്നാണ് സൂചന‍.ലഹരിക്കേസില്‍ അറസ്റ്റിലായ എറണാകുളം സ്വദേശി മുഹമ്മദ് അനൂപുമായുള്ള സാമ്പത്തിക ഇടപാടുകള്‍സംബന്ധിച്ചാണ് ചോദ്യംചെയ്തത്. എന്നാല്‍, ബിനീഷ് ചോദ്യങ്ങളോട് സഹകരിക്കുന്നില്ലെന്നാണ് ഇ.ഡി. ഉദ്യോഗസ്ഥര്‍ നല്‍കുന്ന വിവരം. മുഹമ്മദ് അനൂപിന്റെ ലഹരിമരുന്ന് ഇടപാടിനെക്കുറിച്ചറിയില്ലെന്ന് ബിനീഷ് ആവര്‍ത്തിച്ചു. ഹോട്ടല്‍ തുടങ്ങാന്‍ സാമ്പത്തിക സഹായം നല്‍കിയെങ്കിലും മുഹമ്മദ് അനൂപിന്റെ മറ്റ് ഇടപാടുകളെക്കുറിച്ചറിയില്ലെന്ന് ബിനീഷ് മൊഴിനല്‍കി.  അതേസമയം ബിനീഷിനെ കാണാന്‍ അനുവദിക്കാത്ത ഇ‍ഡി നടപടി ബിനീഷിന്റെ അഭിഭാഷകര്‍ ഇന്ന് കോടതിയില്‍ ഉന്നയിക്കും.ഇഡിയുടെ നടപടികള്‍ക്കെതിരെ കര്‍ണാടക ഹൈക്കോടതിയിലും ബിനീഷ് ഹര്‍ജി നല്‍കും.

കാസർകോഡ്:ജില്ലയിൽ വീണ്ടും വൈദ്യുതി മോഷണം പിടികൂടി.ഒക്ടോബർ 30 ന് രാത്രിയിലും 31 ന് പുലർച്ചെയുമായി കെഎസ്ഇബിയുടെ ആന്റി പവർ തെഫ്റ്റ് സ്‌ക്വാഡിന്റെ കാസർകോഡ് വിഭാഗം നടത്തിയ പരിശോധനയിലാണ് വിവിധയിടങ്ങളിൽ നിന്നായി ഏകദേശം 6 ലക്ഷം രൂപ പിഴയീടാക്കാവുന്ന വൈദ്യുതി മോഷണം കണ്ടെത്തിയത്.ചെർക്കള ഇലക്ട്രിക്കൽ സെക്ഷൻ പരിധിയിൽ 30 ന് നടത്തിയ രാത്രികാല പരിശോധനയിൽ തൈവളപ്പ് ഹൌസ് എം.എ മഹമ്മൂദിന്റെ വീട്ടിൽ മീറ്റർ ബൈപാസ് ചെയ്ത് ഉപയോഗിക്കുന്ന നിലയിൽ 5KW വൈദ്യുതി മോഷണമാണ് പിടികൂടിയത്.കൂടാതെ 31 ന് പുലർച്ചെ 4 മണിക്ക് സീതാംഗോളി ഇലക്ട്രിക്കൽ സെക്ഷൻ പരിധിയിൽ നടത്തിയ പരിശോധനയിൽ മുക്കൂർ റോഡ് ഉജ്‌ജംപദവ് അബ്ദുൽ റഹ്മാനേറ്റ വീട്ടിലും മീറ്റർ ബൈപാസ് ചെയ്ത് ഉപയോഗിക്കുന്ന നിലയിൽ 6KW വൈദ്യുത മോഷണവും പിടികൂടി.

കാസർകോഡ് ജില്ലയിലെ വൈദ്യുതി മോഷണത്തെ പറ്റി വിവരം നല്കാൻ 9446008172,9446008173,1912 എന്നീ നമ്പറുകളിൽ ബന്ധപ്പെടാവുന്നതാണ്.വൈദ്യുതി മോഷണം അറിയിക്കുന്നവരുടെ പേര് രഹസ്യമായി സൂക്ഷിക്കുന്നതും അർഹമായ പാരിതോഷികം നൽകുന്നതുമാണ്.