തിരുവനന്തപുരം: സംസ്ഥാന സര്ക്കാരിന്റെ പുതുക്കിയ മദ്യനയത്തിന് മന്ത്രിസഭാ യോഗം അനുമതി നല്കി. മുന് വര്ഷങ്ങളിലേതില് നിന്ന് കാതലായ മാറ്റങ്ങളില്ലാതെയാണ് മദ്യനയം സംസ്ഥാന മന്ത്രിസഭാ യോഗം അംഗീകരിച്ചത്. ഏപ്രില് ഒന്ന് മുതല് പുതിയ മദ്യനയം നിലവില് വരും.തെരഞ്ഞെടുപ്പ് അടുത്ത പശ്ചാത്തലത്തില് വിവാദങ്ങള് വേണ്ടെന്ന വിലയിരുത്തലിന്റെ അടിസ്ഥാനത്തിലാണ് മന്ത്രിസഭാ തീരുമാനം.ഒന്നാം തീയതിയിലെ ഡ്രൈഡേ ഒഴിവാക്കുക, സംസ്ഥാനത്ത് പബ്ബുകളും ബ്രൂവറികളും മൈക്രോ ബ്രൂവറികളും തുടങ്ങുന്ന കാര്യത്തില് നയപരമായ തീരുമാനം എന്നിവയാണ് മന്ത്രിസഭായോഗത്തിന്റെ പരിഗണനക്ക് വന്ന പ്രധാന വിഷയങ്ങള്.കള്ള് ഷാപ്പുകള് ഗ്രൂപ്പ് അടിസ്ഥാനത്തില് ലേലം ചെയ്യാനും മന്ത്രിസഭാ യോഗം തീരുമാനിച്ചു. ലൈസന്സ് ഫീസ് 28 ലക്ഷമായിരുന്നത് 30 ലക്ഷമാക്കിയാണ് ഉയര്ത്തിയത്.ഒന്നാം തീയതിയിലെ ഡ്രൈഡേ ഒഴിവാക്കണമെന്ന ശുപാര്ശകള് പലതലങ്ങളില് നിന്ന് സര്ക്കാരിന് മുന്നില് എത്തിയിരുന്നു.എന്നാല് ഡ്രൈഡേ ഒഴിവാക്കേണ്ടെന്ന നിലപാടാണ് കരട് മദ്യനയത്തില് ഉള്ളത്.മാത്രമല്ല പബ്ബുകളും ബ്രൂവറികളും അനുവദിക്കണമെന്ന് ആവശ്യപ്പെട്ട് ഐടി മേഖലയിൽ നിന്നടക്കം സർക്കാരിനു നിരവധി നിവേദനങ്ങൾ ലഭിച്ച പശ്ചാത്തലത്തില് കേരളത്തില് പബ്ബുകള് ആരംഭിക്കുന്ന കാര്യം പരിഗണിക്കുന്നുണ്ടെന്ന് മുഖ്യമന്ത്രി നേരത്തെ നിയമസഭയില് വ്യക്തമാക്കിയിരുന്നു.
