കൊച്ചി: സ്കൂള് വിദ്യാര്‍ഥികളുടെ ബാഗിെന്‍റ ഭാരം കുറക്കാന്‍ സര്‍ക്കാറുകളും വിദ്യാഭ്യാസ ഏജന്‍സികളും പുറപ്പെടുവിച്ച ഉത്തരവുകള്‍ എല്ലാ സ്കൂളുകളിലും നടപ്പാക്കണമെന്ന് ഹൈകോടതി.സ്കൂള് ബാഗിന് അധിക ഭാരമില്ലെന്ന് ഉറപ്പാക്കേണ്ടത് സര്‍ക്കാരിനൊപ്പം അധ്യാപകരുടെയും രക്ഷിതാക്കളുടെയും ഉത്തരവാദിത്വമാണെന്ന് ഹൈക്കോടതി അഭിപ്രായപ്പെട്ടു.സ്‌കൂള്‍ബാഗിന്റെ അമിതഭാരം നിയന്ത്രിക്കണമെന്നാവശ്യപ്പെട്ട് എറണാകുളം എളംകുളം സ്വദേശി ഡോ. ജോണി സിറിയക് നല്‍കിയ ഹരജിയാണ് കോടതി പരിഗണിച്ചത്.ബാഗിന്റെ അമിതഭാരം കുട്ടികളിൽ വേദന, തോള്‍ വേദന, ക്ഷീണം, നെട്ടല്ല് പ്രശ്നങ്ങള്‍ തുടങ്ങിയവക്ക് കാരണമാകുമെന്ന് ഹരജിയില്‍ ചൂണ്ടിക്കാട്ടിയിരുന്നു.കുട്ടികള്‍ മാനസിക, ശാരീരിക ബുദ്ധിമുട്ടുകളില്ലാതെ വളരേണ്ടത് കാലഘട്ടത്തിെന്‍റ ആവശ്യമാണെന്ന് കോടതി ഉത്തരവില്‍ പറയുന്നു.പ്രായത്തിന് നിരക്കാത്ത ഭാരം അവര്‍ക്കുമേല്‍ ചുമത്തരുതെന്ന് ഭരണഘടനയില്‍ വ്യക്തമാക്കിയിട്ടുണ്ട്. ഉത്തരവുകള്‍ നടപ്പാക്കുന്നുണ്ടെന്ന് അധ്യാപകരും രക്ഷിതാക്കളും പ്രധാനാധ്യാപകരും ഉറപ്പുവരുത്തണമെന്നും കോടതി ആവശ്യപ്പെട്ടു.
