കണ്ണൂർ:പയ്യന്നൂരിൽ സ്വർണ്ണാഭരണങ്ങളുമായി കടന്ന ഹോം നേഴ്സ് പിടിയിൽ.കാസർകോഡ് ബന്തടുക്ക മലാംകുണ്ട് സ്വദേശിനി രാധ എന്ന ജാനകിയെ(48) ആണ് പയ്യന്നൂർ പോലീസ് അറസ്റ്റ് ചെയ്തത്.കൊളച്ചേരി കമ്പിൽ സ്വദേശിനിയായ പ്രിയ എന്ന യുവതി നൽകിയ പരാതിയുടെ അടിസ്ഥാനത്തിലാണ് അറസ്റ്റ്.പയ്യന്നൂർ സുബ്രമണ്യസ്വാമി ക്ഷേത്രത്തിന് സമീപം താമസിക്കുന്ന പ്രിയയുടെ അമ്മയെ നോക്കാനായി തളിപ്പറമ്പിലെ ഹോം നേഴ്സ് സെന്റർ വഴിയാണ് ജാനകിയെ നിയമിച്ചത്.എന്നാൽ ഇക്കഴിഞ്ഞ ഒക്ടോബർ പന്ത്രണ്ടാം തീയതി വീട്ടിലെത്തിയപ്പോൾ സ്വർണ്ണാഭരണങ്ങൾ മോഷണം പോയതായി കണ്ടെത്തിയതായി പ്രിയയുടെ പരാതിയിൽ പറയുന്നു.തുർന്ന് അന്വേഷണം നടത്തിയ പയ്യന്നൂർ എസ്‌ഐ ഷൈനും സംഘവും തളിപ്പറമ്പിലുള്ള ഹോം നേഴ്സ് സെന്ററുമായി ബന്ധപ്പെട്ട് ജാനകിയെ കണ്ടെത്തുകയായിരുന്നു. പോലീസ് നടത്തിയ ചോദ്യം ചെയ്യലിൽ മോഷ്ടിച്ച ആറരപവന്റെ മാലയും ഒന്നര പവൻ വീതം വരുന്ന രണ്ട് വളകളും പയ്യന്നൂരിലെ വിവിധ സ്വകാര്യ പണമിടപാട് സ്ഥാപനങ്ങളിൽ പണയം വെച്ച് രണ്ടരലക്ഷത്തോളം രൂപ കൈപ്പറ്റിയതായി ജാനകി പോലീസിനോട് സമ്മതിച്ചു.പ്രതിയെ കോടതി റിമാൻഡ് ചെയ്തു.
