ജക്കാർത്ത:ഏഷ്യന്‍ ഗെയിംസില്‍ മെഡല്‍ പ്രതീക്ഷകളുമായി പി.യു ചിത്രയും ജിന്‍സണ്‍ ജോണ്‍സണും ഇന്നിറങ്ങുന്നു.1500 മീറ്ററില്‍ സ്വര്‍ണ പ്രതീക്ഷയുമായിട്ടാണ് ഈ മലയാളികള്‍ താരങ്ങള്‍ മത്സരിക്കാനൊരുകുന്നത് .വൈകിട്ട് 5.40നാണ് ചിത്രയുടെ ഫൈനല്‍.800 മീറ്ററില്‍ അവസാന നിമിഷം കൈവിട്ട സ്വര്‍ണത്തിന് 1500 മീറ്ററില്‍ മറുപടി നല്‍കുകയാണ് ജിന്‍സണിന്‍റെ ലക്ഷ്യം. 1500 മീറ്ററില്‍ ഹീറ്റ്സ് നടന്നില്ലെങ്കിലും നേരിട്ട് ഫൈനലില്‍ മത്സരിക്കുന്നത് ഗുണം ചെയ്യുംഏഷ്യന്‍ അത്‌ലറ്റിക് ചാമ്ബ്യന്‍ഷിപ്പിലെ മെഡല്‍ ആത്മവിശ്വാസം നല്‍കുന്നു എന്നും ചിത്ര പറഞ്ഞു.ഹോക്കിയില്‍ വൈകീട്ട് നാല് മണിക്ക് പി ആര്‍ ശ്രീജേഷ് നയിക്കുന്ന ഇന്ത്യ ഫൈനല്‍ ലക്ഷ്യമിട്ട് മലേഷ്യയെ നേരിടും. വനിതാ ഡിസ്കസ് ത്രോ, പുരുഷ, വനിതാ 1500 മീറ്റര്‍, പുരുഷന്മാരുടെ 5000 മീറ്റര്‍ എന്നിവയാണ് പ്രതീക്ഷ വെക്കുന്ന ഇനങ്ങള്‍. ഡിസ്കസ് ത്രോയില്‍ സീമ പൂനിയയും സന്ദീപ് കുമാരിയും മത്സരിക്കുന്നുണ്ട്.
