കോട്ടയം:ലോക കപ്പ് ഫുട്‍ബോളിൽ അർജന്റീന പരാജയപ്പെട്ടതിൽ മനംനൊന്ത് പുഴയിൽ ചാടിയ അര്ജന്റീന ആരാധകന്‍ അമയന്നൂര്‍ കൊറ്റത്തില്‍ ചാണ്ടിയുടെ മകന്‍ ഡിനുവിന്റെ(30) മൃതദേഹം മീനച്ചിലാറ്റില്‍ ഇല്ലിക്കല്‍ പാലത്തിനു സമീപത്തു നിന്നും കണ്ടെത്തി.ലോകകപ്പ് പ്രാഥമിക റൗണ്ട് മത്സരത്തില്‍ അര്ജന്റീന ക്രൊയേഷ്യയോട് തോറ്റതിനെ തുടര്‍ന്നാണ് അര്ജന്റീന ആരാധകനായ ഡിനുവിനെ കാണാതായത്. അര്ജന്റീന പരാജയപ്പെട്ട വിഷമത്തില്‍ വീട്ടില്‍ ആത്മഹത്യാക്കുറിപ്പ് എഴുതി വച്ച ശേഷം ഡിനുവിനെ കാണാതെയാകുകയയിരുന്നു. കത്ത് ലഭിച്ചതിനെത്തുടര്‍ന്ന് ബന്ധുക്കള്‍ പോലീസില്‍ പരാതി നല്‍കിയിരുന്നു.തുടർന്ന് പോലീസ് എത്തി പരിശോധനകൾ നടത്തി.പോലീസ് നായ മണംപിടിച്ച് കുളിക്കടവിലേക്ക് പോയിരുന്നു. ഇതിന്റെ അടിസ്ഥാനത്തില്‍ ഇയാള്‍ ആറ്റില്‍ ചാടിയെന്ന നിഗമനത്തില്‍ പോലീസ് എത്തുകയായിരുന്നു. അയര്‍കുന്നം പോലീസ് ഇന്ന് രാവിലെ എത്തി പരിശോധനകള്‍ നടത്തി.’എനിക്ക് ഈ ലോകത്ത് കാണാന്‍ ഒന്നും ബാക്കിയില്ല. മരണത്തിന്റെ ആഴങ്ങളിലേക്കു പോവുകയാണ്. എന്റെ മരണത്തില്‍ മറ്റാര്‍ക്കും ഉത്തരവാദിത്വം ഉണ്ടായിരിക്കുകയില്ല’ എന്നു വെള്ളക്കടലാസില്‍ കുറിപ്പെഴുതിയശേഷമാണു ഡിനു പോയത്. മീനച്ചിലാറ്റില്‍ ചാടിയെന്ന സംശയത്തെത്തുടര്‍ന്ന് പോലീസ് കഴിഞ്ഞ ദിവസങ്ങളിൽ തെരച്ചില്‍ നടത്തിയെങ്കിലും ഫലമുണ്ടായിരുന്നില്ല.
