പത്തനംതിട്ട:പത്തനംതിട്ടയിൽ ബൈക്കും ടിപ്പറും കൂട്ടിയിടിച്ച് സൈനികനടക്കം രണ്ടുപേർ മരിച്ചു.വെള്ളിയറ സ്വദേശികളായ അമൽ,ശരൺ എന്നിവരാണ് മരിച്ചത്.സൈനികനായ അമൽ രണ്ടാഴ്ച മുൻപാണ് അവധിക്ക് നാട്ടിലെത്തിയത്.അപകടത്തിൽ മൂന്നുപേർക്ക് പരിക്കേറ്റിട്ടുണ്ട്. ഇതിൽ ഒരാളുടെ നില ഗുരുതരമാണ്. ഇന്നലെ രാത്രി പത്തരയോടെ റാന്നി തീയ്യാടിക്കലിൽ ആണ് അപകടം നടന്നത്.തെള്ളിയൂർ ക്ഷേത്രത്തിൽ ഉത്സവം കൂടുന്നതിനായി അഞ്ചുപേരുടെ സംഘം രണ്ടു ബൈക്കുകളിലായി പോകുന്നതിനിടെ ലോറിയുമായി കൂട്ടിയിടിക്കുകയായിരുന്നു.അമിത വേഗത്തിലെത്തിയ ടിപ്പർ രണ്ടു ബൈക്കുകളിലേക്ക് ഇടിച്ചു കയറുകയായിരുന്നുവെന്ന് നാട്ടുകാർ പറഞ്ഞു.ടിപ്പർ നാട്ടുകാർ തടഞ്ഞു.പരിക്കേറ്റവരെ കോഴഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
