തിരുവനന്തപുരം:പാറശാലയിൽ പോലീസ് കസ്റ്റഡിയിലിരിക്കെ കൊല്ലപ്പെട്ട ശ്രീജീവിന്റെ മരണത്തിന് ഉത്തരവാദികളായവരെ കണ്ടെത്തണമെന്ന് ആവശ്യപ്പെട്ട് സമരം നടത്തുന്ന ശ്രീജിവിന്റെ സഹോദരൻ ശ്രീജിത്തുമായി മുഖ്യമന്ത്രി ഇന്ന് കൂടിക്കാഴ്ച നടത്തും.ശ്രീജിത്തിന്റെ അമ്മയും ഒപ്പമുണ്ടാകും.ഇന്ന് വൈകുന്നേരം ഏഴുമണിക്കാണ് കൂടിക്കാഴ്ച.സർക്കാർ തീരുമാനം പി.വി അൻവർ എംഎൽഎ നേരിട്ടെത്തി ശ്രീജിത്തിനെ അറിയിക്കുകയായിരുന്നു.സഹോദരന്റെ കസ്റ്റഡി മരണവുമായി ബന്ധമുള്ളവർക്കെതിരെ നടപടി സ്വീകരിക്കാൻ മുഖ്യമന്ത്രിയോട് ആവശ്യപ്പെടുമെന്ന് ശ്രീജിത്ത് മാധ്യമങ്ങളോട് പറഞ്ഞു.സിബിഐ അന്വേഷണം സംബന്ധിച്ച് രേഖാമൂലം ഉറപ്പ് ലഭിക്കാതെ സമരം അവസാനിപ്പിക്കില്ലെന്നും ശ്രീജിത്ത് പറഞ്ഞു.
