തിരുവനന്തപുരം:നിയുക്ത കോൺഗ്രസ് പ്രസിഡന്റ് രാഹുൽ ഗാന്ധി പൂന്തുറയിലും വിഴിഞ്ഞത്തും ഓഖി ദുരന്തത്തിൽപ്പെട്ട മത്സ്യത്തൊഴിലാളികളുടെ കുടുംബങ്ങളെ സന്ദർശിച്ചു. മത്സ്യത്തൊഴിലാളികൾക്ക് സംഭവിച്ച നഷ്ട്ടം നികത്താനാകുന്നതല്ല.പക്ഷെ കുടുംബങ്ങൾക്കൊപ്പം ഉണ്ടാകും.കാണാതായവരുടെ കുടുംബങ്ങൾക്ക് എല്ലാ വിധ സഹായവും നൽകുമെന്ന് അദ്ദേഹം പറഞ്ഞു.പ്രതിപക്ഷ നേതാവ് രമേശ് ചെന്നിത്തല നയിച്ച യുഡിഎഫിന്റെ പടയൊരുക്കം ജാഥയുടെ സമാപനസമ്മേളനത്തിൽ പങ്കെടുക്കാനാണ് രാഹുൽ ഗാന്ധി തിരുവനന്തപുരത്തെത്തിയത്.പൂന്തുറ,വിഴിഞ്ഞം,കന്യാകുമാരി മേഖലയിലെ സന്ദർശനത്തിന് ശേഷം വൈകുന്നേരം 3.40 ന് തൈക്കാട് പോലീസ് മൈതാനത്ത് നടക്കുന്ന ബേബി ജോൺ ജന്മശതാബ്തി സമ്മേളനത്തിലും പങ്കെടുക്കും.വൈകിട്ട് 5.30 ന് സെൻട്രൽ സ്റ്റേഡിയത്തിലാണ് പടയൊരുക്കം ജാഥയുടെ സമാപന സമ്മേളനം.
