November 2017

കൊച്ചി:നടിയെ ആക്രമിച്ച കേസിലെ കുറ്റപത്രത്തിലെ വിവരങ്ങൾ പുറത്തായതിനെതിരെ ദിലീപ് കോടതിയിൽ ഹർജി നൽകി.അങ്കമാലി മജിസ്‌ട്രേറ്റ് കോടതിയിലാണ് ദിലീപ് ഹർജി സമർപ്പിച്ചിരിക്കുന്നത്.വിദേശയാത്രക്കായി പാസ്പോര്ട്ട് തിരിച്ചുവാങ്ങാനായി അങ്കമാലി മജിസ്‌ട്രേറ്റ് കോടതിയിലെത്തിയപ്പോഴാണ് ദിലീപ് ഹർജി നൽകിയത്.കുറ്റപത്രം കോടതി പരിഗണിക്കും മുന്പ് ഇതിന്‍റെ വിശദാംശങ്ങൾ മാധ്യമങ്ങളിൽ വന്നെന്നും ഇത് തനിക്കെതിരായ പോലീസിന്‍റെ ഗൂഢാലോചനയുടെ ഭാഗമാണെന്നും ദിലീപ് ഹർജിയിൽ ആരോപിക്കുന്നു.തന്റെ ഉടമസ്ഥതയിലുള്ള വ്യാപാര സ്ഥാപനമായ ദേ പുട്ടിന്റെ ദുബായ് ശാഖയുടെ ഉൽഘാടനവുമായി ബന്ധപ്പെട്ടാണ് ദിലീപ് വിദേശത്തേക്ക് പോകുന്നത്.ഇതിനായി കോടതി ഉപാധികളോടെ ദിലീപിന് അനുവാദം നൽകുകയായിരുന്നു.

മംഗളൂരു:മംഗളൂരു വിമാനത്താവളത്തിൽ ചെരുപ്പിനുള്ളിൽ വെച്ച് സ്വർണം കടത്താൻ ശ്രമിച്ച കാസർകോഡ് സ്വദേശി പിടിയിലായി.ഞായറാഴ്ച പുലർച്ചെ ദുബായിൽ നിന്നും എയർ ഇന്ത്യ വിമാനത്തിൽ മംഗളൂരുവിലെത്തിയ കാസർകോഡ് സ്വദേശി താഹിറിൽ നിന്നുമാണ് 804 ഗ്രാം തൂക്കം വരുന്ന സ്വർണ്ണം കസ്റ്റംസ് അധികൃതർ പിടികൂടിയത്.24 ലക്ഷം രൂപ വിലമതിക്കുന്നതാണിത്. ബോഡിങ് പാസ് എടുക്കുന്നതിനിടയിൽ സ്കാനിങ്ങിൽ സ്വർണ്ണത്തിന്റെ സാനിധ്യം തിരിച്ചറിഞ്ഞിരുന്നുവെങ്കിലും കണ്ടെത്താനായില്ല.എന്നാൽ പിന്നീട് വിശദമായി പരിശോധിച്ചപ്പോഴാണ് ചെരുപ്പിനടിയിൽ ഒളിപ്പിച്ച നിലയിൽ സ്വർണ്ണം കണ്ടെത്തിയത്.

ഇരിട്ടി:ആനപ്പന്തി സർവീസ് സഹകരണ ബാങ്ക് ഭരണം യുഡിഎഫ് നിലനിർത്തി.അങ്ങാടിക്കടവ് ഹയർ സെക്കണ്ടറി സ്കൂളിലാണ് തിരഞ്ഞെടുപ്പ് നടന്നത്. ഹൈക്കോടതി നിർദേശത്തെ തുടർന്ന് കനത്ത സുരക്ഷാവലയത്തിലാണ് തിരഞ്ഞെടുപ്പ് നടന്നത്.എങ്കിലും ഒറ്റപ്പെട്ട അക്രമസംഭവങ്ങളുണ്ടായി.രാവിലെ വോട്ടുചെയ്യാനെത്തിയവരെ തടഞ്ഞു നിർത്തി തിരിച്ചറിയൽ കാർഡ് കീറിക്കളഞ്ഞത് സംഘർഷത്തിനിടയാക്കി.എന്നാൽ പോലീസിന്റെ ഇടപെടലിനെ തുടർന്ന് അക്രമികൾ പിന്തിരിഞ്ഞു.വോട്ടുചെയ്യാനെത്തിയ കോൺഗ്രസ് പ്രവർത്തകരായ വിത്സൺ പ്ലാത്തോട്ടത്തിൽ,കച്ചേരിപ്പറമ്പിലെ കുറുപ്പൻപറമ്പിൽ വിത്സൺ എന്നിവരുടെ ജീപ്പിന്റെ ഗ്ലാസുകൾ എറിഞ്ഞു തകർത്തു.ബാങ്കിൽ നിന്നും കൈപ്പറ്റിയ തിരിച്ചറിയൽ കാർഡിലെ ഒപ്പും ബാങ്ക് രെജിസ്റ്ററിലെ ഒപ്പും തമ്മിൽ ഒത്തുനോക്കിയാണ് വോട്ട് ചെയ്യാൻ അനുവദിച്ചത്.എന്നാൽ ഒപ്പുകളിലുണ്ടായ വ്യത്യാസം കാരണം ഒട്ടേറെപ്പേർക്ക് വോട്ട്ചെയ്യാൻ കഴിഞ്ഞില്ല.ഇതിനെ ചൊല്ലിയും ഒരുമണിക്കൂറോളം പോളിംഗ് നിർത്തിവെച്ചു.നൂറുകണക്കിന് പോലീസുകാരെയാണ് സുരക്ഷയ്ക്കായി നിയോഗിച്ചിരുന്നത്.