തിരുവനന്തപുരം:ജയിലിൽ കഴിയുന്ന വിചാരണ തടവുകാർക്കുള്ള ഭക്ഷണം വീടുകളിൽ നിന്നും കൊണ്ടുവരാൻ ആലോചന.ചെലവ് ചുരുക്കലിന് വേണ്ടിയുള്ള നിർദേശങ്ങൾ സമർപ്പിക്കാൻ ജയിൽ ഡിജിപിയോട് സർക്കാർ ആവശ്യപ്പെട്ടിരുന്നു.അതിന്റെ ഭാഗമായാണ് ഈ നീക്കം. വീടുകളിൽ നിന്നും ഭക്ഷണം എത്തിച്ചു നല്കാൻ ബുദ്ധിമുട്ടുള്ളവർക്ക് മാത്രം ജയിലിൽ നിന്നും ഭക്ഷണം ഏർപ്പെടുത്താനാണ് നീക്കം.വിചാരണ തടവുകാരുടെ ഭക്ഷണത്തിനായി കോടിക്കണക്കിനു രൂപയാണ് സർക്കാരിന് ചിലവാക്കുന്നത്.എന്നാൽ ഒരു വിഭാഗം മാത്രം പുറത്തു നിന്നും ഭക്ഷണമെത്തിച്ചു കഴിക്കുന്നത് പ്രശ്നങ്ങൾ ഉണ്ടാക്കുമെന്ന് ചൂണ്ടിക്കാട്ടി ഭൂരിപക്ഷം ഉദ്യോഗസ്ഥരും ഈ നിർദ്ദേശത്തോടെ വിയോജിപ്പ് പ്രകടിപ്പിച്ചിരിക്കുകയാണ് എന്നാണ് റിപ്പോർട്ട്. സംസ്ഥാനത്തെ വിവിധ ജയിലുകളിലായി നാലായിരത്തോളം വിചാരണ തടവുകാരാണ് നിലവിലുള്ളത്.
